Mipalanog sa iyang latest single: Ban, Andam na mahigugma og balik

CEBU, Philippines — Andam na ang bag-ong Kapamilya artist nga si Brandon Yulo Baculo o BAN nga mahigugma pag-usab sa iyang debut single nga “Magparaya.”

Nagsagol ang  emosyon nga iyang  gibati sa pagsugod niya sa iyang kapalaran isip recording artist ubos sa Old School Records sa ABS-CBN Music.

“Nakakakaba and nakaka-excite at the same time but always hoping for the positive. Sana the listeners would appreciate the music that I’ll put out,” saysay pa sa singer .

Ang 22-anyos nga singer nagsugod isip modelo sa nagkalain-laing campaign brands ug music videos. Pipila sa iyang mga impluwensya sa musika naglakip nila Arthur Nery ug Zack Tabudlo.

Ang  “Magparaya”  kay tinagik  ni Gab Tagdadt ug giprodyus ni Kiko “Kikx” Salazar.

“It’s about someone na may trauma sa past relationship kaya nag-decide siya na self-love muna. But, then someone new came along to the point na hindi na niya kayang pigilan pa and gusto na niya bigyan ulit ng chance ang sarili na ma-fall ulit,” dugang pa ni  BAN. Ang “Magparaya” kay madungog sa  nagkalain-laing streaming platforms.

Sugar Mommy

Nagkatawang gibutyag  ni Ivana Alawi nga  dunay higayon nga nahimo siya nga "sugar mommy" sa usa ka lalaki nga iyang naka-date kaniadto. Siya matud pa ang nigasto sa ubang  panginahanglonon sa maong lalaki. Hangtod naabot ang panahon nga nakamata siya ug nakaingon sa iyang kaugalingon nga hunongon ang maong binuhatan .“Na-realize ko maganda naman ako. Hindi naman ako chaka. At saka na-realize ko bagets naman ako, hindi naman ako matanda. Parang, bakit mo ko pineperahan? Pero dapat hindi mo rin peperahan ang mga matatanda. Dapat in general, huwag ka na mamera. Nasa relasyon ka para sa pag-ibig, hindi para sa pera,” saysay pa  ni Ivana sa interview niini sa  “Fast Talk with Boy Abunda”.

Bisita sa kasal

Nasagmuyo si Dennis Padilla gumikan sa pagtratar kaniya atol sa kasal sa iyang anak nga si  Claudia Barretto ug sa hinigugma niini nga si  Basti Lorenzo . Matud pa ni Dennis nga 'nabudol' siya kay imbes  "father of the bride"  ang iyang role sa maong okasyon, gihimo lang  siya og "visitor".Bisan pa man niini, gi-bash gihapon si Dennis sa netizens gumikan kay matud pa gisamotan niini ang problema niya sa iyang pamilya .

Tickets sa Day 2

Sugdan karong Abril 15 sa alas 12 sa udto ang pagpamaligya sa tickets sa  Day 2  sa  "Simula At Wakas" world tour kickoff concert sa SB19.  Ang konsyerto sa maong grupo kay pagahimoon sa  Philippine Arena karong Mayo 31 ug  Hunyo 1. Human sa ilang konsyerto sa Pilipinas , isunod dayon  ang nagkadaiyang dapit sa   Middle East,  Amerika , ug Australia.

Kyle ug Piolo gi-unfollow ni Bela

Gikumpirmar ni Bela Padilla nga gi-unfollow niya sa Instagram ang mga higala niya sa showbiz nga sila si Kyle Echarri ug Piolo apan gitataw niya nga wala kini kalabotan sa isyu nga giatubang sa nahisgotan nga mga artista . Suma pa ni Bela nga igo ra niya gihashasan ang iyang IG friends ug ianam-anam niya og follow og balik  ang iyang mga higala.

"I woke up one day and I was following around 7,000 people. So now, I’m trying to declutter by bringing my following down to zero slowly and then will follow my friends back one by one after," pagpasabot ni Bela .

Nasayran nga soud kaayo nga higala ni Bela si Kyle ,gani nagkauban na sila kaniadto og bakasyon sa laing nasud. Samtang gitataw usab ni Bela nga usa pud si Piolo sa iyang gisaligan nga  higala sa showbiz .

First crush ni Kathryn gikagobtan

Gipistahan karon sa netizens ang usa ka doktor nga ginganlan og Kenneth Hizon nga matud maoy first crush ni Kathryn Bernardo .

Mao kini ang unang crush ni Kathryn sa dihang Grade 2 pa lang sila sa  Flowerlane Montessori Children’s House sa Cabanatuan, Nueva Ecija.

Giukay og maayo sa netizens ang hulagway sa maong lalaki ug nasuta nila nga usa na kini ka doktor.