Ashley, iniyakan ang paglabas ni Mavy

Iyak si Ashley Ortega sa paglabas ng boyfriend na si Mavy Legaspi sa Bahay Ni Kuya last Friday.

Naganap ang touching paalaman ni Mavy sa co-housemates at sa GF matapos ang masayang birthday surprise para sa housemate na si Josh Ford na ipinagluto ni Ivana Alawi.

Partner-partner ang isang Kapuso at isang Kapamilya na tema ng PBB Collab. Close pa ang isa’t isa dahil bago pa lang ang collab.

Abangers dahil in due time eh malamang na magkaroon ng awayan sa mag-colab na housemates para lalong tutukan ng mga tao ang programa, huh!

Marian, nasabayan si Gary V

Wala pa ring kupas ang lambot ng katawan at husay ni Marian Rivera sa pagsasayaw!

Ipinamalas muli ni Yan ang pagiging Dancing Queen niya sa commercial ng isang sikat na pizza house.

Patalbugan sila ng kasama niya separately sa frame sina Gary Valenciano at Gela Atayde na kapwa ring mahusay magsayaw!

Kahit wala pang bagong TV series at movie, very visible pa rin si Marian sa TV commercials na ini-endorse niya, huh!