Anak ni Vina, regular ang dalaw sa amang nakakulong
Wala pang bagong kasintahan ngayon si Vina Morales. Apatnapu’t siyam na taong gulang na ang aktres at natanggap na umano ang tunay na kahulugan ng pag-ibig dahil sa mga naranasan. “Love, siguro it is really a gift from God. Kasi ‘yung love na ‘yan nawawala. In my experience ah, love life. Pero ‘yung love for my daughter will be unconditional. But for my personal romantic love, hindi naman sa walang forever, natutunan ko na huwag mong ipilit kung hindi para sa iyo. Natutunan ko na just to accept it kapag hindi nag-workout. Kasi before when I was younger, kailangan, gusto ko siya na talaga, pero hindi eh. Pinaglalaban ko na hindi naman talaga para sa iyo, ikaw ‘yung nahihirapan, ikaw rin ang umiiyak. Right now, I’m just going with the flow,” paliwanag ni Vina sa amin sa Fast Talk with Boy Abunda.
Matatandaang si Robin Padilla ang naging kauna-unahang nobyo ng dalaga mahigit tatlong dekada na ang nakalilipas. Para kay Vina ay talagang si Binoe ang pinakamasugid niyang manliligaw sa lahat ng naging kasintahan. “Wala naman yatang tatalo kay Robin. Maski sino yatang tanungin na mga ex ni Robin, kasi hindi ka titigilan, napaka-thoughtful, si Robin talaga. Si Keempee (de Leon), sweet naman si Keempee. Pero during that time medyo pasaway din si Keempee eh. Strict siya but he was very sweet to me. Seloso, saka bawal ako ‘yung maiiksing damit. Si Miguel Zubiri naman, nag-one year naman kami ni Miguel. Naintriga masyado kaya hindi nag-workout din but we are good friends,” nakangiting pagtatapat ng aktres.
Labinglimang taong gulang na ngayon ang anak nina Vina at Cedric Lee na si Ceana. Ayon sa aktres ay talagang mahirap ang kanyang naging sitwasyon dahil sa pagiging single mom. “Napakahirap kasi wala kang kadamay sa pagpapalaki, well financially as well. But of course my family were there and until now nandiyan sila kapag kailangan ko. Kung kailangan kong iwan (Si Ceana), or travel abroad, or taping ako, may napag-iiwanan ako dahil nandiyan ang pamilya ko. But it was really tough kasi I’m a working mom. Kasi kaya ako nagtatrabaho for her future. She’s fifteen and she’s responsible. I always tell her to always respect people, to be kind, and ‘yon ang nakikita ko sakanya. Sa school she’s doing well, minsan first honors siya,” paglalahad ng singer-actress.
Nakakulong ngayon si Cedric dahil sa kasong isinampa ni Vhong Navarro laban sa negosyante. Wala naman daw problema kay Vina na bisitahin ni Ceana ang ama sa piitan.
“She visits her dad and I allow that kasi karapatan niya’ yon. And karapatan din ni Cedric na makasama ‘yung anak niya. I allow that para magkaroon naman sila ng relationship. Even before naman sa nangyari, meron na talaga silang relasyon. I realized that Tito Boy during the pandemic, na I have to let go of my emotions. I chose to forgive and to just forget kung ano man ang past na hindi magandang nangyari sa akin. That was a journey, I learned from it. He learned from it. We’re friends. Si Ceana, she’s more comfortable now, nagkakaroon siya ng confidence kasi alam niyang nandiyan ‘yung tatay niya,” pagdedetalye ni Vina. — Reports from JCC
- Latest
