BINI, Regine, at Martin, may world-class free concert! 

Isang pasabog na free concert experience ang naghihintay sa mga manonood dahil tampok sa ASAP ang world-class performances mula sa BINI, Regine Velasquez at Martin Nievera ngayong Linggo (Peb. 16) sa Kapamilya Channel, A2Z, at TV5.

Fresh na fresh mula sa kanilang concert, ihahatid ng BINI ang nakaka-excite na performance ng kanilang bagong single na Blink Twice. Huwag ding palampasin ang world-class performances mula kay Asia’s Songbird Regine, na handog ang bagong awiting Jigsaw Puzzle, at mula kay Concert King Martin kasama sina Jona at Klarisse de Guzman.

Todo na ang saya ngayong Linggo kasama si Donny Pangilinan dahil sa kanyang birthday celebration sa ASAP. Unli rin ang kilig kasama sina Kim Chiu at Paulo Avelino, at PBB loveteams na sina JM Ibarra at Fyang Smith, at Jarren Garcia at Kolette Madelo.

Hindi kumpleto ang ASAP experience kung wala ang pasabog na opening performance mula kina Gary Valenciano, Martin, Regine, Angeline Quinto, Yeng Constantino, Erik Santos, Marielle Montellano, Lyka Estrella, Carmelle Colado, Chie Filomeno, Loisa Andalio, Anji Salvacion, Kyle Echarri, Darren, at Joshua Garcia.

Humanda para sa pinakamainit na prod nina James Reid, Rockoustic Heartthrobs Kobie Brown, Luke Alford, Blackburn, Anthony Meneses, at Jarren at Supah Dancers AC Bonifacio, Gab Valenciano, Ken San Jose, at Gela Atayde.

Mapapanood din ang isang inspirational performance mula kay Gary Valenciano at nakakaantig na pagtatanghal mula kina Yeng, Angeline, KZ, Erik, Zsa Zsa Padilla, at New Gen Divas na sina Marielle, Lyka, at Carmelle.

Makikisaya rin ang ASAP hosts na sina Robi Domingo, Janine Gutierrez, Belle Mariano, Edward Barbers, at Maymay Entrata.

Lahat ng ito, mapapanood ninyo ngayong Linggo mula sa longest-running at award-winning musical variety show sa bansa, ASAP, 12 nn sa local TV sa Kapamilya Channel, Jeepney TV, A2Z, at TV5, online sa Kapamilya Online Live at iWantTFC, at worldwide via TFC.