Bag-ong kanta ni KZ gipahinungo dalang sa LGBTQ+

CEBU, Philippines — Adunay bag-ong awit  si KZ Tandingan alang sa  LGBTQ+ community  nga gilusad dili pa lang dugay ug nag-ulohan kini og "Nagmamahal Lang Ako.” 

Gihatod nga  mensahe sa maong awit kay nagkanayon nga  libre ra mahigugma ug alang kini sa tanan.

Gibase kini sa istorya sa usa sa suod nga higala ni KZ nga wala pa makapadayag sa gugma nga iyang gibati.

“I wrote this song for one of my best friends na hindi pa maipagsigawan sa mundo ang pagmamahal na meron siya. While they wait for their right time, ako na muna ang mabibiing boses ng kwento niya,” Instagram post ni  KZ .

Giprodyus usab ni KZ ang maong awit ug  gi-arrange ni Theo Martel ,inubanan ni Timothy Recla, ug gilusad ubos sa Star Music.

Kabahin kini sa umaabot nga album ni KZ nga “Soul Supremacy II.”

Ang "Nagmamahal Lang Ako"kay  madungog sa nagkalain-laing music streaming platforms. 

Kulatado sa ex-BF

Giangkon sa Vivamax star nga si Jenn Rosa nga nakulatahan na siya kaniadto sa iyang  ex-boyfriend kun diin nagkadugo gyud ang iyang ulo.  Dili na matud pa angayan ipadayon ang usa ka relasyon kun dapatan ang tawo sa partner niini.“Para sa'kin, dapat kayong mga girls, tapangan niyo.'Pag nakaranas na kayo ng kahit konting pisikal, kasi sign na 'yun, e. Red flag na 'yun, girls, magtutuloy-tuloy sila kapag once na pumayag kayong saktan kayo," saysay pa ni Jenn sa interview niini sa programang  "Fast Talk with Boy Abunda.

Krystal ug Lawrence nagminyo na

Gikasal na sa niaging adlaw  ang kanhi  child actress nga si Krystal Reyes ngadto  sa iyang  non-showbiz boyfriend nga si Lawrence dela Cruz.Nahitabo ang pagpanumpa sa ilang panaghigugmaay  sa Saint Gabriel the Archangel Parish Church sa Caloocan City. Unang nailhan si Krystal sa  2006 hit GMA-7 drama series nga Bakekang. Nalakip usab siya kaniadto sa Mga Mata ni Anghelita (2007), Kaputol Ng Isang Awit (2008), Rosalinda (2009), Bantatay (2010), Munting Heredera (2011), Anna Karenina (2013), Carmela (2014), ug Healing Hearts (2015).

Nagkadoul na

Gipakita  na sa actress-singer nga si Maymay Entrata ang  teaser alang sa  music video sa iyang  upcoming single nga “Paradise.” Gikatakdang ipalanog ang maong awit  karong Pebrero 20, 2025. “Matagal na po naming pinaghahandaan ang music video na ito. Ilang araw nalang, mapapasainyo na rin! ,” Instagram  post ni Maymay.

GMA Masterclass: Eleksyon 2025 Dapat Totoo Series dalhon sa  Visayas

Ang GMA Regional TV and Synergy inubanan sa  pakigtambayayong sa GMA Integrated News,  mopasiugda na usab og  kalihokan  nga motuki sa tahas sa kabatan-onan ngadto sa usa ka limpyo ug matinud-anon nga 2025 Midterm Elections ug kini mao ang laing hugna  sa  ‘GMA Masterclass: Eleksyon 2025 Dapat Totoo Series’ sa Visayas karong Pebrero 17 hangtod 20.

Ang ‘GMA Masterclass: Eleksyon 2025 Dapat Totoo Series’  kay  ipahigayon sa  University of San Agustin sa Iloilo City ( Pebrero 17),  University of St. La Salle sa Bacolod City( Pebrero 18) , University of San Carlos sa Cebu City  ( Pebrero 19)  ug Silliman University sa Dumaguete City ( Pebrero 20). Ang matag  sesyon kay  magsugod sa alas 8 sa buntag.

Mohatag sa ilang panahom alang sa maong kalihokan kay sila si   Susan Enriquez ug Mariz Umali, GMA Sportscaster ug Sports Analyst Martin Antonio, GMA Integrated News Social Media Manager Hannah Petrache, GMA Regional TV One Western Visayas Local News Correspondent Zen Quilantang-Sasa (Pebrero 17-18), ug GMA Regional TV Digital News Managing  Editor Joeberth M. Ocao (February 19-20).

Ang host niini  mao ang GMA Synergy sportscaster ug “24 Oras” Game Changer segment host nga si Martin Javier, samtang ang The Clash Season 4 Grand Champion nga si Mariane Osabel maoy molingaw sa audience  alang sa hugyaw niini nga song number .

"The first leg of the ‘GMA Masterclass: Eleksyon 2025 Dapat Totoo Series’ in Mindanao last January aimed to inspire and empower the next generation of Mindanaoan voters through insightful discussions led by our experienced speakers. As we head to the Visayas this February 17 to 20, we look forward to continue with our objective to encourage the Visayan youth to be socially aware, responsive, and responsible citizens who will stand with us in championing the truth and combating misinformation and disinformation as we push our ‘Panata Kontra-Fake News’ campaign,” suma pa ni  Senior Vice President and Head of GMA Integrated News, Regional TV and Synergy Oliver Victor B. Amoroso.