“Everything About My Wife” karong Pebrero 26

CEBU, Philippines — Samtang nagpabilin pa ang  gugma, posibleng mahulma pa og balik ang napakyas nga relasyon , apan duna pu’y posibilidad nga nagdepende  kini sa gibug-aton sa   rason sa breakup.

Tipik lang kini sa mga nagtangag nga mensahe  sa pelikulang “Everything About My Wife” nga gibitoonan nila ni Dennis Trillo , Jennylyn Mercado ug Sam Milby.

Atol sa presscon nga gipahigayon  kagahapon dinhi sa Dakbayan sa Sugbo, gibutyag sa mga bida sa maong pelikula nga  sari-sari nga emosyon ang ilang madalit sa mgamanan-aw.

"Sa pag-ibig , alam naman natin hindi lahat masaya , minsan dadaan din sa mga pagsubok," matud pa ni Dennis .

Matud pa nga 70%  sa mga eskena sa maong pelikula kay gihimo sa pipila ka mga lugar sa  Sugbo.

Si Real Florido ang direktor sa pelikula ug gipaluyohan kini sa GMA Pictures, CreaZion Studios, ug Glimmer Studio.

 Nalakip pud sa  “Everything About My Wife” sila si Carmi Martin, Alex Agustin, Joyce Glorioso, Polo Laurel, and Nova Villa, Ruby Ruiz, Donna Cariaga, Isay Alvarez, Romnick Sarmenta, ug Atty. Annette Gozon-Valdes.

Makita sa mga sinehan  ang “Everything About My Wife" sugod karong Pebrero 26.