Derek ngadto kang Philmar: “Magpakalalaki ka!”

CEBU, Philippines — Nasagmuyo og maayo si  Derek Ramsay sa nahitabo sa iyang higala nga  photographer nga si Pernilla Sjoö kinsa maoy gitudlo nga hinungdan sa kagubot sa relasyon nila ni Phimar Alipayo ug  Andi Eigenmann.

 Sa interview ni  Derek sa  Ogie Diaz Showbiz Update, giawhag ni Derek si Philmar nga kianahanglan nga motingog ug dili pasagdan nga ma-bash ang iyang higala.

"I'm not trying to cause a fight between me, my family, Andi, and Philmar. Nandun lang ulit ako sa tama at sa mali. And I wish Philmar... excuse me for using this term, would have the balls to be a man,” ni Derek pa.

 Gitambagan niya si Philmar nga unta morespeto sa tawo na nagtabang kaniya   ug giingnan niya kini og ,”  Magpakalalaki ka!”.

Matud pa niya na  nga nagsige og hilak si Pernilla  , apan  wala gyud  kadepensa niini si Philmar bisan paman sa chika nga okay na sila ni Andi.

"Ikaw okay ka na, di ba? Paano si Pern na umiiyak kasi puro paninira?,” dugang pa niya.

Saysay pa ni Derek nga dili lalim ang sitwasyon sa iyang higala gumikan kay padayon kini nga gi-bash.

"Gigising siya, yan na lang ang nababasa niya. Hindi siya makalabas ng pamamahay niya.We live in a world of bashers. It's just like people love to bash, get the opportunity to bash,” ni Derek pa.

Giingnan  niya si Pernilla nga duna kini sayop nga nabuhat  partikular na sa “couple tattoo”  apan andam gyud unta kini mangayo og pasaylo  ug dili intensyon  niini nga traydoron si Andi.

Wala usab siya makauyon sa gibuhat ni Andi nga modretso dayon og post sa social media sa problema nila ni Philmar.

"And for me, sorry Andi, what was your intent with all of this?Cause right now, I'm believing, Andi, you're intent was to destroy Pern and hurt her. And eye an eye kumbaga,” ni Derek pa.

Prayoridad ang pagkanta

Gusto ni Yen Durano nga tutokan ang iyang music career   busa wala na siya modawat og mga proyekto sa Vivamax. . “ I make music. I want to focus on my music. I’m a singer-songwriter po, so I do R&B, contemporary soul. ‘Yun po ‘yung pino-focus ko,” saysay pa ni Yen sa interview niini sa  “Fast Talk with Boy Abunda".

World tour

Naghinam-hinam na ang grupong SB19 sa nagbaha nila nga mga konsyerto karong tuiga sa nagkalain-laing dapit sa kalibotan.   Ang ilang world tour  kay nag-ulohan og  "Simula At Wakas" .    Mosikad kini karong Mayo hangtod na sa katapusang bahin karong tuiga.

Chelsea misalmot sa MUPh

Misalmot sa Miss Universe Philippines 2025 ang laing beterana sa  indigay nga  kanhi  Binibining Pilipinas Globe nga si Chelsea Fernandez. Siya ang representante sa Sultan Kudarat sa umaabot nga  Miss Universe Philippines 2025 karong Mayo. "Hello, U! Excited to share that I am officially your Miss Universe Philippines - Sultan Kudarat!" .Grateful for this incredible journey, taking another leap of faith for all of you who have always believed in me,” Instagram post sa beauty queen. 

“Rockin’ Valentines” karong gabii na!

Mosikad na karong gabii diha sa  Hoops Dome sa  Lapu-Lapu City ang    benefit concert nga nag-ulohan og “Rockin’ Valentines”

Atol sa presscon  sa niaging adlaw , gibutyag  sa usa sa mga mo-perform sa konsyerto nga si Kitchie Nadal  nga wala gyud siya  nagduha-duha sa pagsanong sa maong konsyerto sanglit ganahan gyud siya makatabang sa iyang isigkatawo.

 Nasayran nga ang kabataan sa Stimulation and Therapeutic Activity Center (STAC) maoy benepisaryo sa maong konsyerto. Dakong garbo usab alang kang Kitchie nga makatrabaho ang ubang performers  nga sama ni Bunny Liwanag  ug pipila ka Cebuano rock bands.

Si Kitchie maoy nagpasikat sa mga awit nga Same Ground, Bulong,  ug Wag Na Wag Mong Sasabihin.

Lakip sa mo-perform kay sila si    Iping Amores    Rommel Tuico and The Brews,ingon man usab ang mga grupong  Indephums, Fervent, Emping, The Agadiers, ug  SNMMS Music Fest Champion.

 Ang maong konsyerto  kay gi-produce sa  Twins888 Productions.

Acts of lasciviousness charges Kaso ni Sandro batok sa independent contractors gibasura 

Gibasura sa  Branch 46 sa  Pasay Metropolitan Trial Court ang two counts sa  kasong acts of lasciviousness nga gipasaka ni  Sandro Muhlach batok sa  GMA-7 independent contractors nga sila si  Richard "Dode" Cruz ug Jojo Nones.

Suma pa sa resolusyon, aduna na’y kasong “rape through sexual assault”  ang gipasaka  sa Department og Justice batok sa maong independent contractors busa  "overkill" na ang  kasong acts of lasciviousness.

Sa Instagram story sa aktor kagahapon, nitataw kini nga  magpadayon ang  ilang kombate  ug iyang seguradoon nga dili makalusot ang mga tawo nga gipasakaan niya og kaso.

"The case wasn't dismissed ,just one of the charges. The court removed the acts of lasciviousness charge because it's already part of the sexual assault case, which is still ongoing. Meaning, mas matindi ang magiging kaso .But we will still file the motion for reconsideration for acts of lasciviousness. Hindi sila makakalusot dito at ilalaban ko to hanggang huli! I will make sure na hindi na kayo makakaulit sa iba! #ENDRAPE ,"mensahe ni Sandro nga nakabutang sa iyang Instagram story.

Kahinumdoman nga nireklamo si Sandro sa niaging tuig gumikan kay matud pa giabuso siya nila ni Cruz ug Nones sulod sa usa ka hotel pagkahuman sa GMA Gala.