Si Karla Estrada ang mabilis na pumasok sa isip ng lahat nang kumalat sa social media ang basag na mukha ng club disc jockey na si Jellie Aw dahil sa diumano’y pambubugbog ng karelasyon (fiancee na) nitong si Jam Ignacio.
Si Jam ang ex ng nanay ni Daniel Padilla.
Grabe ang hitsura ng mukha ni Ms. Aw. Sabi sa post ng kapatid daw ni Jellie: “BIGLA NA LANG PINAG SASAPAK, BINUGBOG HABANG PAUWI ATE KO, WALANG KALABAN LABAN SA LOOB NG NAKALOCK NA SASAKYAN.
“Una sa lahat kung ano man ginawa ng ate ko wala kang ni anong karapatan dampian ng kamay yung ate. ang kapal naman ng mukha mo Jam Ignacio.
“Ni hindi makahingi ng tulong ate ko dahil kunuha mo ‘yung cellphone. Buti na lang hindi nabasa yung RFID mo sa toll at nakasigaw yung ate ko pag baba ng bintana at nakahingi ng tulong sa Teller sa toll gate, ngayon tinakbuhan mo ‘yung mga pulis! Wala kang awa.
“Update ko kay ate magpapa-medical na kami ngayon ang magrereport na sa pulis.”
But anyway, kung maraming naawa sa nasabing bar DJ at fiancee ng ex ni Karla, may ibang nagsabi na ‘karma’ niya ito (ng club DJ).
Recently lang ay animo’y may warning si Karla na idedemanda niya ang isang hindi niya pinangalanan Sa kanyang Facebook account, may kinol-out si Karla at sinabing wala siyang oras para rito ngunit ang kanyang abogado ay meron. “Fame whore, Low life people. I don’t have Time for this, But my lawyers (have). Cyber libel here we go,” aniya.
Pero mabilis niya itong binura.
Ang post ni Karla ay matapos siyang paringgan ni Jellie Aw sa social media. “Karla Estrada nanahimik ako! Wag mo damay work ko.
“Nanahimik ako mommy,” sabi niya sa Instagram story.
Last 2023 pa nag-split sina Karla at Jam after almost five years ng relasyon. Maaalalang maraming nag-akalang ikakasal sina Jam at Karla dahil sa pahayag niya sa Magandang Buhay na “Ako, wala akong mapaglagyan ng saya dahil matagal na natin itong hinintay, idinarasal. So you know everything is lifted up to God. Ang mga anak namin eventually kapag lumaki ay may kanya-kanyang pamilya. Might as well tumanda ako hanggang matapos ang buhay ko ay kasama ko ‘yung taong totoong mahal ko at aalagaan ako. So ‘yon lang ang dasal na sana ito na ang maging huli, ito na ang huli. Itong taong ito,” makahulugang pahayag naman ni Karla.”
Habang sinusulat namin ito ay wala pang statement sa social media si Jam.