Wala pang buwelta as of this writing si Andi Eigenmann kay Derek Ramsay na nagsalita sa kontrobersiya nila ng partner niyang si Philmar Alipayo.
Sinabi ni Derek na kaibigan niya ang tinuturong third party diumano, si Pernilla Sjoo.
Nagpa-exclusive interview si Derek kay Ogie Diaz at sinabi nga niyang naaawa siya sa kaibigan.
“That was very irresponsible of you. Very, very irresponsible.Because you don’t know how a post like that can really destroy somebody,” may conviction na pahayag ng actor kay Andi.
Kinabuwisit din ng mister ni Ellen Adarna na sinabi ng professional surfer na ok na sila ni Andi.
“Hindi ako okay. Kasama ako do’n sa ‘kayo.’ Kasi ‘yung kaibigan ko na kaibigan mo rin na matalik, sinaktan mo. Hindi ka man lang mag-apologize.
“So why don’t you have the decency and show some respect to Pernilla and clear her name? Pernilla feels bad about the tattoo thing and she reached out. She did. She reached out to apologize for that.”
Na-bash bash nga raw si Perilla sa mga post ni Andi na sana raw ayon kay Derek ay nag-usap muna sila bago nag-post ang dating actress. “Meanwhile this poor lady is hiding, afraid for her life because she’s getting threats, afraid for her family who lives abroad.
“Okay na kayo, kayo ni Andi. This girl, she’s crying her eyes out every day. She’s a very private person. Her mental health is so affected. She was a brave woman, she is a dear friend, she’s close to me and Ellen, I can sleep in the same bed with Pernilla and my wife would not doubt. That’s how close we are to her. So, tunay na kaibigan si Pernilla and she proved that to Philmar and even to Andi,” pagbabahagi pa niya.
Sa bandang huli ng interview ni Ogie ay may hamon ito “I wish Philmar would have the balls to be a man! Magpakalalaki ka! Ayusin mo ang problema mo sa asawa mo, unahin mo ‘yan, tama ka diyan. Pero huwag mong bastusin ‘yung tao na tumulong sa ‘yo sa lahat ng problema mo. Ipagtanggol mo ‘yung tao.”
Pero hindi naman pabor si Derek na may identical tattoo ang kanyang friend at ang partner ni Andi na surfer.
Whew, talagang social media drama ang nagaganap sa kanila at bagong pasok na character si Derek.