Andi ug Philmar gidungog nga nagbuwag

CEBU, Philippines — Gi-unfollow na nila Andi Eigenmann ug  Philmar Alipayo ang usag-usa ang ilang mga  Instagram account .

Gidungog nga giputol na sa duha ang ilang relasyon.

Nisamot ang maong hungihong  human nipagawas og cryptic post si Andi kalabot sa  "Year Of the Snake."

 “I just found out its the year of the snake!! I thought it was the year of the wolf in sheep’s clothing!”," suma pa ni Andi.

Sa nikatap nga taho, dunay third party sa ilang panagbuwag .

Na-link si Philmar sa usa ka foreigner .

Matud pa nga nagpa-tattoo ang babaye kang Philmar ug susama sila og desinyo niini.

Gikatahong gibadlong na ang maong babaye apan wala kini nagpatoo.

Samtang sa Instagram stories ni Philmar,  gitouhan nga tubag kini sa isyu nga giatubang niini.

“For whatever you all read is true, then so be it. There’s no hiding because it will be more difficult.You can call me a cheater and ugly now,” ni Philmar pa. 

Gi-bully kaniadto

Giangkon sa Kapuso actress nga si Bianca Umali  nga nabiktima  pud diay siya  kaniadto sa "bullying " sa dihang bag-ohay pa lang siya nisulod sa  showbiz. Matud pa niya nga iya ra nga gipasagdan ang mga tawo nga nang-bully niya kaniadto.

Lami og lovelife

Aminado ang sexy actress nga si Rhen Escaño nga malipayon siya karong panahona .Dili siya modirekta og tubag sa pangutana kun duna ba'y  kalabotan niini ang gidungog niya nga boyfriend nga usa ka direktor . Mas pilion pa ni Rhen  nga maghisgot  sa iyang mga proyekto. Kasamtangang makita ang aktres  sa action series  sa TV5  nga “Lumuhod ka Sa Lupa.”

Gay boyfriend

Giangkon sa aktres nga si Carmi Martin nga nakabaton siya kaniadto og gay boyfriend. Matud pa ni Carmi nga wala siya’y ideya sa unang bahin sa ilang relasyon kalabot sa tinagoan sa maong tawo,apan nasuta ra gihapon kini samtang nagdagan ang panahon. Dugang pa niya nga  aduna na’y boyfriend   ang kanhi niya uyab.

Mga Sugboanon pakiligon ni Ronan

Tataw  ang walay paghupas nga gugma sa musika ang gipakita  sa Irish singer-songwriter nga si Ronan Keating  sanglit aktibo gihapon kini sa pag-perform sa nagkalain-laing dapit sa kalibotan.

Sa usa ka online presscon, gibutyag sa singer nga naghinam-hinam na siya nga makakita sa reaksyon sa iyang Sugbuanon nga fans alang sa subli niya nga pagtungtong sa concert stage .

Gikatakdang motikang dinhi sa Sugbo ang  heartthrob nga si Ronan  alang sa usa ka  Valentines concert  karong  Pebrero 12, 2025 sa Waterfront Cebu City  Hotel  and Casino.

Ang tickets  sa “Ronan Keating: A Valentine’s Special” kay mapalit sa https://ronankeating2025ph.lsquared.live. ug gilangkoban kini sa SVIP (dunay Meet and Greet) – Php 8,500; VIP (dunay   Meet and Greet) – Php 7,500; Patron –Php 5,500; Gold – Php 4,500; Silver – Php 3,500; ug Balcony – Php 2,500.)

Si Ronan  kay  kanhi lead singer sa iconic 90s boy band nga Boyzone ug  nag-solo kini niadtong 1999.

 Siya ang naa sa likod sa  awit nga  "When You Say Nothing At All" sa pelikulang Notting Hill.

Ang katapusang concert ni Ronan sa Pilipinas kay nahitabo niadtong Hunyo 2019 atol sa Farewell Tour sa Boyzone sa SM Mall of Asia sa Manila.

Gipaluyohan sa   L-Squared Productions ang Ronan Keating: A Valentine’s Special.

Benjamin nagpanikad  sa “Quezon”

Naghinam-hinam na si Benjamin Alves alang sa iyang role isip former Philippine president Manuel Quezon  sa upcoming biopic  nga "Quezon."

Suma pa sa aktor nga gihimo na sa niaging adlaw ang script-reading session alang sa maong proyekto.

Si Jerold Tarog gihapon ang direktor niini nga nagsilbi niya nga ikatulo nga hugna sa iyang mga pelikula nga nagtuki sa kinabuhi sa mga bayani  . Una na nga nagmalamapuson kaniadto ang mga pelikulang "Heneral Luna" ug  "Goyo: Ang Batang Heneral."