May movie raw ulit sa Hollywood, Liza gagawa na ulit ng teleserye
Isang bagong proyekto ang posibleng gawin nina Liza Soberano at Enriquel Gil. Sa ngayon ay mayroon nang konseptong pinag-uusapan ang dating magkatambal. Nagsimulang sumabak si Enrique sa pagiging producer noong isang taon. Si Liza naman ay mayroon na ring sariling production company. “We are trying to come up with a concept we can do together, in the future. I cannot guarantee it in the next year. The concept needs to be fleshed out. It is something new,” nakangiting pahayag ni Liza sa ABS-CBN News.
May bagong international project ding gagawin ang aktres ngayong taon. Matatandaaang napabiliang si Liza sa Hollywood film na Lisa Frankenstein noong isang taon. Ayon sa dalaga ay isang pelikula rin ang muli niyang pagbibidahan naman sa Pilipinas. “I have shoot in Los Angeles. I cannot disclose details yet but we will go in filming sometime in April. I am doing a movie here in the Philippines third quarter. Hopefully it will be shown end of the year or early next year,” pagbabahagi ng dalaga.
Kahit sunud-sunod ang mga pelikulang gagawin ay posible rin umanong bumalik si Liza sa paggawa ng teleserye. Huling nagbida sina Liza at Enrique sa Make It With You noong 2020. “I am open to doing the teleserye. It comes down to the concept. I am at the stage I just want to try doing all types of characters and genres. I am just looking for something kakaiba,” giit ng aktres.
Shaira, tutok sa kasal nila ni EA
Puspusan na ang ginagawang preparasyon nina Shaira Diaz at EA Guzman para sa kanilang kasal sa darating na Agosto. Labingdalawang taon nang magkasintahan ang dalawa at engaged na noon pang 2021. Abala man sa kabi-kabilang proyekto ay sinisikap ng Kapuso actress na tutukan ang bawat detalye para sa kanilang espesyal na araw. “Siyempre ako ‘yung babae, ako ‘yung nakakaalam sa mga ganito, ganyan. Si Baba (EA) taga-approve lang siya. Tapos minsan nagbibigay din siya ng ideas para sa wedding namin,” paglalahad ni Shaira sa 24 Oras.
Samantala, lubos ang pasasalamat ng aktres sa lahat ng sumusuporta sa seryeng Lolong: Bayani ng Bayan. Ginagampanan ng aktres ang karakter ni Elsie na siyang love interest ng karakter ni Ruru Madrid na si Lolong. “May nag-post na umiiyak na bata, lalo na ‘yung nasa ospital ako. Nakakatuwa kasi naapektuhan din sila. Ibig sabihin invested na rin sila sa story ng Lolong. Gusto naming pakiligin ulit ang viewers namin lalo na ‘yung fans. Mayroong ligawan na mangyayari,” kwento ng Kapuso actress. — Reports from JCC
- Latest
