"Basin Maybe" sa Kinto Boys
CEBU, Philippines — Dili gyud malilong ang nag-uros uros nga gugma karong panahona busa swak usab kaayo ang pagsulbong sa awit nga "Basin Maybe" nga gikanta sa boyband nga Kinto Boys.
Gi-release kini ubos sa Kadasig, nga maoy nagpaluyo sa Vispop hits nga sama sa “Hahahahasula,” “Pero Atik Ra,” ug “My Morena Girl,.”
Ang opisyal nga paglusad sa "Basin Maybe " kay mahitabo karong Pebrero 10 (Lunes) kun diin madungog kini sa nagkadaiyang digital music platforms nga sama sa Spotify, Apple Music, YouTube Music,ug uban pa .
Usa ka awit sa gugma ang "Basin Maybe" nga naghisgot sa kalipay ug pagduha-duha sa paglukso sa pagtuo sa gugma.
Ang madanihon nga chorus niini, makapadasig nga melodiya, ug ang hugyaw nga tingog sa Kinto Boys kay tataw nga nihaom sa panahon sa gugma.
“This song is about embracing possibilities. It’s a reminder to take a chance on happiness, love, and whatever life brings," saysay pa sa songwriter ug record producer nga si Jude Gitamondoc.
Dili matud pa malimod ang kakusog sa karisma sa Kinto Boys ngadto sa masa .
Gilangkoban ang Kinto Boys sa mga produkto sa Sinulog Idol nga sila si Shim Dagatan, Yad Robal Jayme, Kiery Segayle, ug Raffy Buanconsejo. Ang maong mga mag-aawit kay nagikan sa 5th District sa Sugbo .
Jennifer Aniston nahimamat ni Lovi
Dili masukod ang gibating kalipay sa aktres nga si Lovi Poe sa dihang nahimamat gyud niya sa personal sa usa ka tindahan sa Los Angeles, California ang Hollywood star nga si Jennifer Aniston.
Wala kaagwanta ang aktres ug nagpahulagway gyud siya kauban si Jennifer nga nailhan usab kaniadto isip usa sa mga bitoon sa sikat kaayo nga American sitcom nga "Friends".
“Just goes to show how obsessed I am with FRIENDS. You can just imagine my happiness meeting @jenniferaniston,” Instagram post ni Lovi.
- Latest
