Christmas season sa Pilipinas

CEBU, Philippines — Nasayod si Mariah Carey nga saulogon gyud sa mga Pinoy ang Pasko sulod sa taas nga panahon ilabi na sa pagtungtong sa buwan sa September.

"Philippines, it's time (only for you!!) I hope you're all safe and well. Let’s celebrate together," social media post sa singer.

Gi-share usab niya ang link sa iyang  sikat nga  Christmas song nga "All I Want for Christmas Is You."

Bag-ong awit ni Jel Rey

Ang pagbaton og higala nga mahimong kasaligan taliwala sa pagkawala sa daghang tawo maoy nagtangag nga mensahe sa bag-ong kanta sa Kapamilya singer-songwriter nga si Jel Rey nga  "Naiilang."

Gisulat mismo ni Jel Rey ang maong  indie-pop nga kanta ug gi-produce kini  ni StarPop label head Roque “Rox” Santos.

Una na nga  gilusad ni Jel Rey kaniadto  ang extended play (EP) nga "TERAPEWTIKA" nga naglakip sa mga awit  nga "Nasa Alapaap Ang Paraluman" ug "hele pono" ug usa siya  sa mga nominado isip Best Performance by a New Solo Artist sa 37th Awit Awards. “Naalala ko last year, when I first heard the final mix of my song, jino-joke ko yung friend ko na ‘pre pang-Awit Awards talaga ‘to’ tapos ngayon, I actually got nominated. Manifestation really works,” nagkanayon si Jel Rey sa iyang  TikTok post.

Gihulagway sa StarPop artist ang iyang estilo sa pagsulat nga "adventurous" nga nagdalit og lain-laing genre sama sa rock, hip hop, ug soul.

Ang bag-ong kanta ni Jel Rey nga "Naiilang" kay madungog  sa nagkalain-laing streaming platforms.

New Look ni Belle

Gipasigarbo ni Belle Mariano ang iyang new look.  Nakadawat kini og mga pagdayeg gikan sa iyang social media followers . Matud pa nga angayan kaayo ang aktres sa bag-o niya nga hitsura.

Kusog sa Spotify

Todo pasalamat si Rico Blanco ngadto sa iyang supporters human nilangkat na og kapin sa usa ka milyon nga streams sa Spotify ang bag-o niya nga  version sa  "Kisapmata". Kahinumdoman nga gi-release niadtong Hulyo ang maong  version.  Nakaangkon na usab kini og kapin  700K views  sa YouTube.

Fuji motikang sa Pilipinas

Naghinam-hinam na ang Japanese singer nga si Fujii Kaze nga makahimamat sa iyang Pinoy fans. Motikang si Fuji sa nasud karong Disyembre 10.

Si Fuji maoy nagkanta sa  viral song  nga “Shinunoga E-Wa”  nga gipistahan sa TikTok. Kabahin kini  sa album niya nga  Help Ever Hurt Never nga gi-release niadtong  2020.

Proyekto ni Liza giatrasan og producer?

Niulbo karon  ang chika nga duna unta'y nagpaabot nga acting project  si Liza Soberano apan wala kini nadayon  gumikan kay kalit nga niatras ang producer.

Ang maong taho kay  nag-ugat sa usa ka blind item hangtod nga nigawas ang pangalan sa aktres. Tak-om lang si Liza kalabot sa maong intriga.

Angel nagpakahilom gihapon

Padayon  nga nagpakahilom ang aktres nga si Angel Locsin ug wala kini nitubag sa mga pangutana sa iyang fans kun kanus-a kini mobalik showbiz.

Gikatahong taod-taod na nga dili aktibo sa showbiz si Angel.

Nag-enjoy ra kini sa kaminyoon nila ni Neil Arce.