Karera ni Lisa sa Blackpink banhawon
CEBU, Philippines — Hingpit na nga mobalik sa music scene ang ang miyembro sa K-pop girl group nga Blackpink nga si Lisa.
Duna siya'y awit nga i-release karong Hunyo 28 nga nag-ulohan og "Rockstar."
Ang "Rockstar" maoy unang proyekto ni Lisa human niya gi-establisar ang kaugalingon niya nga management company nga LLOUD, ug ang pagpirma niya sa American label nga RCA Records.
Concert ni David Foster Stell nakadawat og standing ovation
Gibayaw sa kalipay ang miyembro sa SB19 nga si Stell Ajero human kini nakadawat og standing ovation atol sa iyang pag-perform sa concert ni David Foster niadtong Martes sa gabii didto sa Araneta Coliseum.
Gikanta ni Stell ang version ni Celine Dion sa "All By Myself.
Ginama ni Eric Carmen ang "All By Myself" niadtong 1975, ug gihimoan kini ni David og bag-ong areglo ug gipasikat ni Celine niadtong 1996.
Nisaludo gyud si David sa talento ni Stell .
"He’s amazing," paghulagway ni David kang Stell.
CJ de Silva-Ong mipanaw
Mipanaw na ang 36 anyos nga visual artist nga si CJ de Silva-Ong niadtong Martes sa buntag.
Nailhan si CJ sa kadaghanan isip “Gifted Child” sa ‘90s commercial sa usa ka brand sa gatas.
Matud pa sa iyang bana nga si Wincy Ong nga kaduha na- stroke si CJ.
“She was a loving wife to me, a loving cat-mom to our cats Andres and Max, and a loving daughter to her parents and uncle," Facebook post ni Wincy.
Gidayeg niya ang iyang asawa gumikan sa pagka-maayong tawo niini
“Behind that tough and take-charge person you may know is such a sweet, caring girl. I will always remember her for the kindness she brought to people.She always told me she'd wanted a funeral that was fun and not so serious. Let's celebrate her 36 amazing years here on this planet by filling it with things that made her happy--music, conversations, coffee, and good food," dugang pa ni Wincy.
- Latest
