Rudy, 15 years na sa kabilang buhay

Fifteen years na pala sa kabilang buhay si Rudy Fernandez kahapon.

Kaya mas nami-miss ang mahusay na action star ng mag-ina niyang Lorna Tolentino at Rap Fernandez.

Post ni Rap : “It has been a 15 years since you passed from the threshold of this mortal coil to the otherside, missing you always and love you with all my heart, Papa”

At kahit ganun na rin katagal na wala si Daboy, hindi na nagkaroon ng parang kumbaga ay bagong Rudy Fernandez sa showbiz.

Ang daming gumawa ng action movies noon, pero walang talagang tumatak sa fans na kasing gwapo at husay niya sa action.

Juday at Ryan, nag-celebrate sa graduation ng panganay!

Magka-college na rin pala ang daughter nina Ryan Agoncillo and Judy Ann Santos, si Budingding. Sabay sila ng eldest daughter ni Claudine Barretto na si Sabina.

Kaya namang proud na proud si Juday.

“My dearest buding, We are so so proud of you.. your hard work and perseverance all throughout your HS life paid off and more.? as you enter another chapter in your life as a college student, a lot will change.. there will be a lot of ups and downs.. but all these will make you a better and responsible person.. mom and dad will always be here to support and cheer you on in every step of the way.. we love you so much and we appreciate all that you do. #maygraduatenakami”

Maging ang lola Carol ni Yohan, mommy ni Juday, ay tuwang-tuwa sa pagtatapos ng apo.

“Hey, hey, the gang’s all here to celebrate Johanna Louise Santos Agoncillo’s also known as Yohan, graduating and entering another phase of her school life. Congrats again girl”

Joshua, Gabbi, Richard at Jodi, may pasilip sa bonding ng unbreak....Mapapanood sa Europe Experience

Makisaya kasama ang cast ng Unbreak My Heart sa kanilang taping sa Europe sa bagong ABS-CBN YouTube show na UMH: Europe Experience, kung saan ipapasilip ang behind-the-scenes bonding kasama ang mga bida ng serye.

Pangungunahan nina Joshua Garcia, Gabbi Garcia, Richard Yap, at Jodi Sta. Maria ang pagbibigay ng tour at pagbabahagi nila ng trivia at masasayang karanasan sa iba’t ibang magagandang lugar sa Switzerland tulad ng Interlaken town at Mt. Pilatus.

Napapanood na ang unang episode sa ABS-CBN Entertainment YouTube channel kung saan nag-tour sina Joshua at Jodi sa isang world-famous chocolate factory sa Zurich, Switzerland. Tampok sa episode ang kanilang chocolate tasting ng iba’t ibang klaseng tsokolate at ibinahagi rin nila ang nakakaaliw na mga trivia tungkol sa paggawa ng tsokolate.

Sasabak din ang cast sa mga masasayang activities tulad ng food trip, bag raid, skydiving, at ang 100 Euro challenge kung saan mag-iikot at mamimili sila sa iba’t ibang lugar sa Milan, Italy. Magkukwento rin sila tungkol sa hindi nila malilimutang mga bonding at chikahan kasama ang kanilang mga co-star.

May bagong episode na ipapalabas kada Biyernes ng 7 p.m.

GMA, may mga bagong show sa kanilang 73rd anniversary

All for Love, Love for All ang gustong ihatid ng GMA Network sa exciting offerings at surprises na handog nito ngayong June at July para sa 73rd anniversary nito.

Kabilang sa mga ito ang Walang Matigas na Pulis sa Matinik na Misis, LUV IS: Love at First Read, Royal Blood, Magandang Dilag, at Battle of the Judges.

Ihilera pa rito ang pelikulang The Cheating Game na pinagbibidahan ng mga bigating Kapuso artist. Hindi rin dapat ma-miss ang pagrampa ng Kapuso stars sa red carpet para sa GMA Gala Night.