Kris, madaling paligayahin

Talagang kahit love/hate kami ni Kris Aquino, mas matimbang pa rin ang love dahil hanggang ngayon basta special occasion imposible talagang hindi ka niya maalala.

Kaya kahit anong sabihin, hindi mo talaga puwedeng itakwil si Kris dahil totoong sweet at caring siya. Impulsive at kung minsan tactless, pero wala siyang mean bone.

Never siyang nag-wish ng masama sa kapwa niya, at kung ano ang feeling niya sa iyo ipinapakita niya at wala siyang kaplastikan sa katawan.

Civil siya kung hindi niya gusto ang tao, pero never niya itong ipa-plastic na kunwari gusto niya.

May pagka-possesive at selosa, pero never naging selfish. Kaya nga masarap siyang kausap dahil freely mabibigay mo ang opinyon mo.

Napakadali pang paligayahin ni Kris dahil mababaw lang mga gusto niya. At napaka-generous niya sa mga kaibigan niya.

Sana nga makita na niya ang happiness sa isang partner sa buhay dahil ito lang ang kailangan para maging kumpleto ang buhay niya.

Mahilig si Kris sa isang sandalan, ‘yung laging puwede niyang kausapin, hingahan ng nararamdaman. ‘Yung nasa beck and call niya anumang oras, ‘yung siya ang priority.

Kaya naman hanggang ngayon hindi pa niya nakikita, pero parang merong konting kilig ‘yung sa kanila ni Mark Leviste. Mukha namang mabait at very attentive si Mark at kahit paano ka-level ng ranking ng mga Aquino ang social standing. Sana nga sila na.