Alden, hindi tinigilan ng fans ni Kathryn!; totoo ba? Ely Buendia, kumita raw ng P80 million sa reunion concert ng Eraserheads?!

Nag-trending kahapon sina Alden Richards and Kathryn Bernardo. Ito ay dahil sa pelikula nilang Hello, Love, Goodbye na ipinalabas noong 2019 sa mga sinehan at highest box-office gross sa history ng local film industry.

Nagkaroon ng tapatan ang fans nina Alden and Kathryn.

Ito ay matapos mag-viral ang tanong ni Paolo Contis kay Alden.

Nagkomento kasi si Paolo sa YouTube show ng Sparkle – “’Yung number one movie ng Star Cinema at ABS-CBN taga-GMA ‘yung artista!”

Sumagot si Alden ng, “Sarap sa ears!” habang kinikilig ang actor.

“Heto ha fact, ‘di ba? Of course you have Kathryn who is the biggest star of ABS-CBN, but you also are a big star of GMA,” dugtong ni Paolo.

Meron ding dialogue si Paolo ng “I’m sure ‘yung bay– mo nandito (sa leeg)” na ang tinutukoy ay ang pressure nito na for the first time ay hindi si Daniel Padilla ang ka-partner ni Kathryn habang hindi naman si Maine Mendoza ang ka-partner ni Alden. “Yes, of course, lalo na nung ginagawa na namin nung look test, etc. etc. hindi madali ‘yon!” dagdag ni Alden.

Nagalit ang fans ni Kathryn.

Pinalalabas daw na starlet si Kathryn samantalang hawak ni Kathryn ang dalawa pang highest grossing local films, ito ngang Hello, Love, Goodbye at ang The Hows Of Us nila ni Daniel.

Tinapatan ng fans ng dating interview ni Tito Boy Abunda kay Kathryn kung saan ikinuwento ng actress ang hirap na naranasan niya sa HLG.

“It’s the most difficult film. Mahirap siya physically, pumasok kami ni Alden as waitress and bartender po siya sa isang bar. Nag-shift po kami noong gabi na ‘yun. Pinakamahirap po siya sa akin emotionally kasi ‘yung character po ni Joy, siya ‘yung taong ‘di nagsasalita masyado, lahat nandiyan lang, so kailangan lumabas siya sa mata,” ang kuwento doon ni Kathryn.

“May isang scene po, ‘pag napanood nila, ‘yung sa trailer, first meeting namin ni Ethan, meron doon tumatakbo ako the whole day, pati ‘yung pawis bawal dayain. So kailangan, tumakbo-takbo ako diyan, lulundag ako, para totoo ‘yung pawis ko,” dagdag ng actress.

Kaya kahit daw ‘di si Alden ang leading man kikita ito at magkaka-award ang actress.

Anyway, hanggang sa sinusulat namin ito ay super trending pa rin sina Kathryn and Alden at tuloy ang pagsasagutan ang kani-kanilang followers.

Samantala, totoo kayang hindi kumita ang kumpanya ni Alden nang i-produce nito ang reunion concert ng Eraserheads?

Sa talent fee pa lang daw kasi ni Ely Buendia, nakakalula na.

Totoo kayang umabot ito sa P80 million? For Ely lang diumano ‘yun?

Well, pwede namang idenay kung hindi totoo, pero ‘yun ang usap-usapan.

Marami rin daw kasi sa nanood ng nasabing concert ay complimentary tickets though marami raw talagang bumili rin pero dahil daw sa mahal ng production cost, hindi diumano kumita ang mga producer nito.

Ginanap ang Huling El Bimbo concert last Dec. 22, 2022, at SMDC Festival Grounds in Parañaque.