Charo at letter senders, magsasama-sama SA MMK

Magsasama-sama sa isang espesyal na kwentuhan sina Charo Santos at 31 letter senders na nagbahagi ng kanilang makabuluhang kwento sa longest drama anthology ngayong Biyernes (Dis. 9) sa MMK Grand Kumustahan na mapapanood sa Youtube channel at Facebook page ng MMK at ABS-CBN, at iWantTFC.

Babalikan ni Charo kasama si Dimples Romana, ang magsisilbing host ng programa, ang ilan sa hindi malilimutang kwento ng MMK sa nakalipas na tatlong dekada.

Sa pagbisita ng letter senders, ibabahagi nila ang kanilang mga karanasan matapos iere ang kanilang life story pati na rin kung paano nakatulong ang MMK sa kanilang buhay.

Aalalahanin din nina Charo at Dimples ang episodes kung saan nakasama at bumida rin sila.

 Ilan sa mga episode na pag-uusapasan sa MMK Grand Kumustahan ang classic episodes na Garapon na pinagbidahan nina Carlo Aquino at Jaclyn Jose; Regalo nina Vilma Santos-Recto at Maja Salvador, Courageous Catie nina Shaina Magdayao at JC de Vera, Balsa ni Zanjoe Marudo, at marami pang iba.