Hipon, nireklamo ang dating manager kay Tulfo

Uy hindi nauubusan ng kontrobersya ni Herlene Hipon Budol.

Kahapon ay nagreklamo siya sa programa ni Sen. Raffy Tulfo na Tulfo in Action dahil sa panloloko diumano ng ex-manager niyang si Elizabeth “Eliz” Estrada.

Sa kanyang post ay nagpasalamat siya kay Sen. Raffy.

“Marami maraming Salamat po Senator Idol Raffy Tulfo sa pag tulong at pag action sa aking pinag dadaanan for almost 2 years at nag suffer po ako sa panahon ng pandemia na indi ko man lang ma pa enjoy ang Nanay Bireng ko. hanggang sa pag panaw nya. walang paramdam ang dati kong Manager na pinost ko last Sept. 23, 2022 dto sa Fanpage ko.

“Binigyan kta ng mahabang panahon para ayusin etong aberiang iniwan mo sa akin at wala kang proper endorsement mga documents at never ako naka kita ng kontrata. kung indi pa ako nag pursige at nag move forward at lumapit kay Ate Madam inutz at kay Sir Wilbert Tolentino hanggang ngayon isa po akong walang ka muwang muwang na tao.

“Words cannot express how grateful i am.

isa eto sa mga experience ko na nag sisilbing aral at itama ang dapat itama,” ang buong post ni Herlene na lalaban sa Miss Planet International 2022.