'Tagal kitang hinintay': Angelica Panganiban nanganak na
MANILA, Philippines — Isa nang ganap na mommy ang aktres na si Angelica Panganiban matapos iluwal ang una nilang supling ng non-showbiz partner na si Gregg Homan.
Biyernes nang bahagyang ipasilip ng dating child star sa Instagram ang kanilang anak, na siyang ipinanganak daw nitong Martes, ika-20 ng Setyembre.
"Bean waiting for you all my life," ani Angelica kanina, kalakip ng close-up photo ng sanggol.
"Amila Sabine Homan. 9•20•2022."
Marso pa nang una nang ibulgar sa madla na nagdadalang-tao siya sa unang baby sa kanyang nobyong si Gregg.
Binaha tuloy ng pagbati ng first-time mom, na matagal-tagal nang excited sa pagdating ng kanyang baby.
"Congratulations beautiful angge!!!!!" sabi ng kapwa aktres na si Janine Gutierrez.
Sabi naman ni Camille Prats: "Sissssss congratulations!!!!!! she's got your eyes."
"Congrats Ate!!! Halu bbbbbbb!!!," sabi naman ni Jasmin Curtis Smith.
Napa-"yey!" at "yahoo!" naman sina Parokya ni Edgar vocalist Chito Miranda at film producer na si Neil Arce sa pagdating ni baby Amila.
Mayo lang nang ipasilip niya ang underwater-themed na kwartong naghihintay para sa kanilang anak.
- Latest