Piolo at Lovi, may kakaibang pressure!
Mapapanood nang muli si Piolo Pascual sa isang teleserye. Makakatambal ng aktor si Lovi Poe sa Pinoy adaptation ng hit Korean series na Flower of Evil. Hindi raw nagdalawang-isip si Piolo na tanggapin ang proyekto nang mabalitaan ang tungkol dito. “When this was pitched to me, it was during the pandemic and I was just really excited to get out of the house to work, to do something. Right away, hindi ko na talaga siya pinag-isipan,” bungad ni Piolo.
Nakararamdam umano ng pressure ang dalawang bida ng serye dahil posibleng maikumpara ang bagong proyekto sa original version nito. “You have to create your own. At the end of the day, it is about coming up with something new. The way we adapt it is very Filipino,” giit ng aktor.
Para naman kay Lovi ay mas mabuti nang makaramdam ng pressure dahil isa itong magandang senyales upang pagbutihin pa ang pagtatrabaho. “I think pressure is always good because with that pressure, we create something beautiful. With a touch of our own emotions, we created something amazing. At ginawan siya ng pusong Pilipino,” paliwanag ni Lovi.
Gary, nakaranas din ng rejection
Malapit nang mapanood sa Kapamilya Channel ang ikalawang season ng Idol Philippines. Matatandang sina James Reid at Vice Ganda ang nakasama noon sa programa nina Regine Velasquez at Moira dela Torre bilang judges.
Ngayon ay sina Gary Valenciano at Chito Miranda naman ang mga bagong judges ng naturang programa. “Naghanap sila ng kapalit ni Vice, Chito came in for James. Alam ko when you talk about idol Philippines, iba eh, ibang competition. Talent ang nakikita and how nice to sit there and be able to give what I know through my 39-year span in the industry. It feels good to share something like this to everyone. Every time I sit down on that chair, I’m so happy,” nakangiting pahayag ni Gary.
Naniniwala si Mr. Pure Energy na mas maraming kababayan ang posibleng sumali sa kompetisyon ngayon dahil na rin sa naidulot ng pandemya sa bansa. “Because of the pandemic, people were exposed to many different types of music while they’re at home. What I witnessed was really a wide variety. Sabi ko kay Regine, the harder time I had, the better. Ang daming magaling talaga. I feel when you talk about Idol Philippines not just somebody who’s going to be an idol in the Philippines. There’s a possibility that particular idol will become known in other parts of the world lalo na ngayon,” paglalahad niya.
Para kay Gary ay wala namang pinagkaiba ang kanyang istilo sa iba pang mga programa kung saan siya ay naging judge na rin sa mga nakaraang taon. Maraming mga bagay na rin ang natutunan ng singer sa pagiging judge ng isang kompetisyon. “In the early days of my judging, I’d get so affected. I’d tell them na, ‘Hindi eh, you can’t make it.’ And it’s difficult for me minsan. I would struggle with compromise. Narinig mo ‘di talaga pwede pero kawawa ‘yung kwento. The other side of me naman lahat sila may pinanggalingan, pinaghugutan and how do you balance. Through the years I’ve come to realize, ‘Gary, if you don’t tell them what they need to hear, they will never grow.’ Sometimes, being rejected is what adds on to making you a complete performer including rejection which I have gone through as well,” pagbabahagi ng beteranong singer. (Reports from JCC)
- Latest
