Piolo, tuhog ang show sa abroad

It’s a wrap na nga ang Flower of Evil after ng four cycle ng lock-in taping nila sa Pampanga.

Isa si Lovi Poe sa nag-announce na nakatapos na nga sila at after daw ay nag-decide sila na sabay-sabay nilang panoorin ang trailer no’n.

Ang bongga lang ng first Kapamilya teleserye ni Lovi kung saan kapareha niya si Piolo Pascual dahil sa partnership ng ABS-CBN sa Viu ay mapapanood ‘yon sa 16 territories (kasama ang Asia, Middle East and South Africa) 48 hours bago ang TV broadcast nila.

Anyway, mukhang hindi agad pupunta ng Amerika si Piolo para sa ilang shows nila roon ni Sam Milby kung saan guest nila si Jaya.

Kasama kasi si Papa P sa Kalayaan 2022 (The 124th Philippine Independence Day Celebration) sa Dubai, United Arab Emirates on June 12 na gaganapin sa Dubai World Trade Center.

From 10:00 a.m. to 8:00 p.m. ang event na ‘yon at bukod kay Piolo, may partisipasyon din doon ang magdyowang Kim Molina at Jerald Napoles. Sa nakita kong poster, in partnership with Vivamax ‘yung portion nina Kim at Jerald. Ang PLDT Global naman ang isa sa sponsors na nakita ko sa portion ni Piolo.

Ang iWantTFC naman, dadalhin din sa event na ‘yon ang Darna: The TV Series stars na sina Jane de Leon at Joshua Garcia.

Ang bongga ng event na ‘yon sa Dubai, Ateng Salve, for sure, dudumugin ‘yon ng mga napakaraming Pinoy sa UAE lalo na at free admission pala ‘yon, huh!

Sharon at Regine, kakantahan si Pilita

Special guest pala nina Sharon Cuneta at Regine Velasquez-Alcasid sa kanilang Iconic concert on June 17 & 18 sa Marriott Hotel Grand Ballroom ang Asia’s Queen of Songs na si Ms. Pilita Corrales.

Kakantahan daw nina Sharon at Regine si Tita Pilita.

Ang bongga ng mga kakantahin ng Megastar at Asia’s Songbird bilang pagpupugay nila sa iconic singer, huh!

So nice!

Siguro ‘yon ang dahilan kung bakit sa ibang shows sa buwan ng June ng Queens: Jukebox for All Seasons US Tour ay hindi na kasama nina Imelda Papin at Eva Eugenio si Tita Pilita.

‘Yun na!