Angel, walang sawa sa pag-ayuda

Nakarating hanggang Leyte si Angel Locsin para tumulong sa mga nasalanta ng bagyo.

Consistent ang advocacy na ni Angel kaya lagi siyang nauuna sa mga lugar kung saan kailangan ang tulong niya.

Ramdam na nasa puso na niya talaga ito, ang tumulong na walang kapalit.

Kahanga-hanga para sa isang tulad ni Angel na isang sikat na artista ang lagi na ay may panahong harapin ang mga ganitong bagay.

Marami na ang nagpapatunay kung gaano kalaki ang puso ni Angel sa pagtulong.

May your tribe increase, at sana nga, mas maging matibay ka pa dahil sa pagod na sinusuong mo sa pagtulong. Isa kang tunay na anghel sa lupa at saludo ako sa ‘yo.

Kim, panay ang pasilip ng balat

Mukhang papunta na sa mga mature na roles si Kim Chiu. Nakita mo ba lately ang mga sexy pictorial niya, ‘di ba hindi na pa-tweetum tulad ng dati, may konting pasilip sa skin na bagay naman sa kanya.

Hindi ko nga akalaing ang lakas ng sex appeal ni Kim dahil mukhang pa-baby siya noong una. Ngayon sa mga lumalabas na photos, puwede nang ipakita ang kanyang sex appeal para sa mas mature na roles.

Mahusay na artista si Kim dahil sa mga napanood ko sa TV na portrayal niya, maganda ang facial expression niya at body language. Time for Kim to grow as an artist kaya dapat lang mabigyan siya ng role na mas babagay sa kanya ngayon. Kahit walang loveteam, tiyak na kakayanin niya.