Sanya, may 12m followers na sa TikTok!

MANILA, Philippines — Patuloy ang paglaki ng following ni Sanya Lopez sa social media dahil umabot na sa 12 million ang followers niya sa TikTok.

Kaya naman siya ang second most followed celebrity sa naturang short-video streaming platform.

Nagpasalamat ang bida ng upcoming GMA primetime teleserye na First Lady sa kanyang mga bagong follower. “Cheers to 12M! love you!” simpleng caption ni Sanya sa Instagram.

Isa sa latest na pinost ni Sanya na dance video ay kasama niya ang look-alike niyang si Miss Universe Philippines 2020 Rabiya Mateo. Magkasama sila sa season two ng Agimat Ng Agila ni Bong Revilla.

May caption ito na “Maya X Asha #AgimatNgAgil” at nakakuha na ito ng 135.5K likes at na-view na ng 917.1K times.

Last year, nauwi ni Sanya ang award na Top Celebrity of the Year sa first ever TikTok Awards Philippines.

Dalawang American entertainment icons, magkasunod na pumanaw

Dalawang American entertainment icons ang pumanaw nang magkasunod. Una ay ang rock music icon na si Marvin Lee Aday a.k.a. Meat Loaf noong Jan. 20 at pangalawa ay ang three-time Emmy winner at stand-up comedian na si Louie Anderson noong Jan. 21.

Nakilala si Meat Loaf dahil sa kanyang best selling albums na Bat Out of Hell at Bat Out if Hell II: Back into Hell. Nanalo siya ng Grammy Awards noong 1993 as Best Solo Rock Performance for I’d Do Anything For Love. Lumabas din siya sa mga pelikulang The Rocky Horror Picture Show, Fight Club at Wayne’s World.

Pumanaw si Meat Loaf sa edad na 74. Ayon sa medical report nito, COVID-19 ang naging cause of death ng rock singer at unvaccinated ito.

Pumanaw naman sa edad na 68 in Las Vegas si Louie Anderson na isa sa multi-awarded comedians on television and stage.

Ayon sa kanyang publicist, naospital si Louie for treatment diffuse large B cell lymphoma. Hindi na raw ito naka-recover sa kanyang sakit na cancer.

Nanalo si Louie ng Primetime Emmy Award noong 2016 para sa comic role niya sa FX series na Baskets. In 1997 and 1998, nanalo siya ng Daytime Emmy Awards para sa animated program na Life With Louie.

Nakilala siyang mahusay na stand-up comedian noong lumabas siya sa The Tonight Show with Johnny Carson in 1984. He was named one of the 100 Greatest Stand-Up Comedians of All Time ng Comedy Central.

Bukod sa TV at movies, naging host din si Louie ng Family Feud from 1999 to 2002.