^

PSN Showbiz

ABS-CBN, humakot ng parangal sa 43rd Catholic Mass Media Awards

Pilipino Star Ngayon
ABS-CBN, humakot ng parangal sa 43rd Catholic Mass Media Awards
Jaime
STAR/ File

Hinirang na Best Station ID ang Ikaw Ang Liwanag at Ligaya ng ABS-CBN sa 43rd Catholic Mass Media Awards kamakailan lang bukod sa iba pang pagkilala bago matapos ang taong 2021.

Ang Christmas theme ng ABS-CBN noong 2020 ay isa sa tatlong video na likha ng ABS-CBN Creative Communication Management (CCM) division na tumanggap ng parangal ngayong taon.

Nagwagi rin ang Pag-alala sa Kadakilaan: Tribute to Frontliners bilang Best Public Service TV Ad at Best TV Ad (Branded) naman ang Hindi Ka Nag-iisa, na isang teaser para sa teleseryeng Huwag Kang Mangamba.

Sa larangan ng musika, pana­lo para sa Star Music ang We Give Our Yes ni Jamie Rivera na Best Music Video habang Best Secular Song naman ang Heal ng ABS-CBN Music International na kinanta ng ilan sa pinakasikat at matunog na artists sa Southeast Asia.

Umani rin ng Special Citation and Wikaharian ng Knowledge Channel sa Best Children & Youth Program category. Kamakailan lang, napabilang din si Knowledge Channel Foundation Inc. (KCFI) pre­sident at executive director Rina Lopez-Bautista sa Asia’s 2021 Heroes of Philanthropy ng prestihiyosong Forbes Asia magazine para sa kanyang mga kontribusyon para sa edukasyon ng mga batang Pilipino lalo na ngayong may pandemya.

Kinilala rin ng iba pang respetadong publikasyon ang iba pang personalidad at lider ng ABS-CBN. Kasama sa Tatler Asia’s Most Influential List sina Angel Locsin, Anne Curtis, Bianca Gonzalez, Gary Valenciano, John Arcilla, Ka­ren Davila, Korina Sanchez-Roxas, Lea Salonga, Martin Nievera, Moira Dela Torre, Regine Velasquez, Sarah Geronimo, at Toni Gonzaga, at ma­ging sina ABS-CBN chairman Mark Lopez, ABS-CBN president at CEO Carlo Katigbak, at G Diaries host at Creative Programs Inc. president Ernie Lopez.

Kabilang din sina Carlo at John sa 21 People Who Shaped 2021 list ng luxury magazine na Lifestyle Asia.

Samantala, ginawaran rin sa Gabi ng Parangal ng 2021 Metro Manila Film Festival (MMFF) Gabi ng Parangal sina Charo Santos (Best Actress in a Leading Role), Rans Rifol (Best Actress in a Supporting Role), at Daniel Padilla (MMFF Jury Prize Award) para sa kanilang pagganap sa Kun Maupay Man It Panahon.

Nanalo rin ang pelikula ng Second Best Picture, ng Gatpuno Antonio J. Villegas Cultural Award, Best Production Design, at Best Visual Effects.

ABS-CBN

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with