Alexa,ga-graduate na 1.0 kahit aminadong ‘di matalino!

Magtatapos na ng kolehiyo si Alexa Ilacad. Nakakuha ng 1.0 bilang kanyang general weighted average kaya masayang-masaya ang aktres.

“Honestly hindi naman ako talaga matalino sobra. But what I am is masipag. So I think that’s what people need. We need that tiyaga, we need that tiyaga, we need that extra effort to achieve what we want. What I really am is just masipag. I just work extra hard. These things didn’t come easy for me,” pahayag ni Alexa.

Hindi naging madali para sa dalaga ang pagsabayin ang pag-aaral at ang mga proyektong ginagawa sa show business. Ayon kay Alexa ay gusto rin niya munang makapagpahinga pansamantala pagkatapos ng graduation. “Let’s do it, pahinga lang muna. Tanggapin muna ‘yung cards then let’s do it. I was pushing myself, doing everything. I was very ambitious. I wanted to prove myself that I wasn’t just an artista, people were belittling me. I wanted to prove them wrong,” giit ng aktres.

Aminado si Alexa na nagkaroon ng pagkakataon na nabalewala ang mga magulang dahil sa puspusan niyang pag-aaral. “I noticed that I was getting super sungit because I was so tired and stressed. Hindi ko napapansin ‘yung parents ko. When I realized, ‘Is this the price I’m paying? Am I becoming mean just for the grades?’ That’s when I said, ‘Step back muna.’ Grades, these numbers aren’t as important as being present with your family and my pets. I learned how to ba­lance,” pagtatapat ng dalaga.

Rachel,Balik na sa pag-arte

Nagbabalik na sa pag-arte sa telebisyon si Rachel Alejandro.

Kabilang ang singer-actress sa The Broken Marriage Vow na pinagbibidahan nina Jodi Sta. Maria, Sue Ramirez at Zanjoe Marudo. “Matagal na po akong hindi umaarte sa te­levision but I definitely welcome itong challenge na ito. To be playing this role for one of the most anticipated, sinasabi na nga nila na baka ito daw ang pinaka-highest ra­ting, sana naman, my role, hindi ko naman sasabihin na sobrang complex but she’s a happy person, masiyahin siya, life of the party, very charismatic, bungisngis, kalog. At the same time mayroon din siyang side na she’s also a loving mother. For those who know the story siyempre magkakaroon ng mga moment na mahihirapan din ‘yung role ng mistress. Kasi magkakaroon siya ng problem. Kahit sino namang ina wants the best for her child,” pagdedetalye ni Rachel.

Isa ang singer-actress sa mga pinakabagong alaga ng Star Magic. Bukod sa bagong serye ay nakatakda ring makapag-record ng isang bagong album si Rachel. “I am very, very happy and grateful and excited to be part of the Star Magic family. As you know because of the pandemic medyo maiiba muna ang career natin ngayon. Wala munang live concerts masyado, walang mga musicals which I am looking forward talaga na makagawa ng mas maraming TV work in the year to come. So very grateful ako,” pagtatapos niya. (Reports from JCC)