Alfred, nagtapos ng Master’s ­degree...

Sayang kung kailan naman nakatapos ng Master of Public Administration degree saka naman nag-decide si Cong. Alfred Vargas na mag-rest muna sa politics at mag-concentrate sa family and showbiz career.

Kahapon nga ay kasama siya sa mga nagtapos sa UP at ipinost niya  na natupad ang pangarap ng kanyang mommy noon.

“I am happy and proud to have graduated from UP-NCPAG with a Master of Public Administration degree. Mommy, natupad ko ang pangako ko sa inyo. I wish you lived to see this promise fulfilled. Maraming salamat sa inspirasyon, sa guidance at sa disiplina. Higit sa lahat, thank you for teaching me to dream, work hard for my dreams, and help others reach their dreams as well.

“Nakaka-senti ang pagtatapos at hindi nabawasan ang excitement kahit virtual ang graduation rites. Excited akong magbihis at isuot ang sablay. Di matanggal ang aking malaking ngiti kahit ang kaharap ko ay laptop at hindi ko katabi ang aking mga kaklase. And in the midst of all the emotions, I can’t help but reflect on the significance of the moment.

“Mahalaga ang edukasyon pero ang saysay nito ay nasa paggamit ng mga natutunan para sa ikabubuti ng kapwa.

“Earning a degree in these challen­ging times is a valuable personal journey. Ang hirap. Minsan pakiramdam ko pa­sakit na sa dami ng aking ibang tungkulin labas sa pagiging estudyante. But we know that nothing good comes easy.

“Almost 20 years after graduating from college, 12 years into my calling as a public servant, I feel a renewed sense of commitment to the philosophy my other Alma Mater, Ateneo (AB MEco ‘02), has instilled in me. Being “a man for others” is a mission I embrace with greater resolve. I want to continue to strive, with fervor, being a man for my family, my community, and my country, and God.

“Sa pagdaan ng panahon, masarap isipin ang mga achievement natin sa buhay. Pero mas mahalagang matugunan natin ang tunay na hamon at dahilan kung bakit tayo may buhay.”

Ang kapatid niyang si PM Vargas ang kakandidato sa iiwan niyang puwesto.

Samantala, may special role si Cong. Alfred sa mag-uumpisa ngayong teleserye ng GMA 7 na Legal Wives starring Dennis Trillo, Alice Dixson, Bianca Umali and Andrea Torres. Gaganap siya bilang si Naseer Macadato, kapatid ni Ismael - ang karakter ni Dennis.