JM, firefighter na rin

Firefighter reservist na pala si JM de Guzman.

Sa kanyang latest post ay nagti-training pa siya. “Philippine Airforce reserve “Search and rescue” basic fire fighting volunteer training.”

Sumabak na raw si JM sa actual na sunog matapos ang nasabing training niya.

So confirmed na hindi na lang siya basta mahusay na actor.

Angeline ipinakita ang bagong vacation house with pool sa Batangas

Wow, may bagong property si Angeline Quinto sa Batangas.

Sa kanyang YouTube channel ay ipinakita niya ang nasabing vacation house na may swimming pool pa.

Suwerte rin ang mga tulad ni Angeline na talagang nakapag-ipon at nagamit nang maayos ang pera.

Kasama nga pala si Angeline sa pumirma ng contract sa Star Magic sa ginanap na Black Day Pen Day last Saturday. “Ngayon na kasama ko pa rin ang Star Magic, ang nilu-look forward ko po talaga na magawa ko pa ay ’yung mga gusto kong subukan like pag-arte po talaga,” aniya sa naganap na event.