John lloyd at Andrea magtatambal sa comedy show ng GMA!

Ex ni Ellen pumirma ng kontrata kay Willie...

Chill ang reaction ng fans nang lumutang sa social media na mapapanood sa Kapuso network si John Lloyd Cruz.

May mga ibinigay na si Wowowin host Willie Revillame na sa kanyang programa magka-comeback si John Lloyd.

At ‘yun nga, makakasama ito sa 6-6 event ng isang e-commerce platform na ine-endorse ng bilyonaryong TV host. Gaga­napin ang event sa Araneta Coliseum.

Diumano, kinausap ito ni Willie nang magkasama-sama sila with direk Bobot Mortiz at grupo nila Ms. Malou Santos sa Puerto Galera recently.

Ayon sa source, pumirma nga ang dating Kapamilya actor kay Willie (WBR Entertainment Productions Inc.) na blocktime producer ng GMA 7.

Kaya hindi umano ang 6-6 event ang first and last time na magsasama ang komed­yante / TV host at John Lloyd lalo na at sinabi ni Willie na “More to come. Welcome to your new family, my production.”

So everyday na nga ba si John Lloyd mapapanood sa Wowowin?

Walang representative ang management company ni Maja Salvador sa nasabing pirmahan ng kontrata base sa lumabas na photo sa social media kahapon. Na ayon sa super reliable source ay hindi nga kasama ang management group ng actress sa naganap na pirmahan, kundi mismong si John Lloyd ang kausap ng WBR.

At kasama diumano sa nasabing contract ang isang comedy show ni John Lloyd sa GMA 7 with Andrea Torres na diumano’y ididirek ni Direk Bobot na tauhan na rin ni Willie.

Na ikinaligaya ng haters and bashers nina Derek Ramsay and Ellen Adarna dahil ito na raw ang chance nila para ‘makaganti’ sa dalawang tuloy ang pang-uurot sa social media.

Ex ni Ellen si John Lloyd habang controversial naman ang breakup nina Derek and Andrea.

Wala pang ibinigay na details ang source kahapon pero kumpirmado na raw ang nasabing comedy show.

Aside from Andrea, malaki rin daw ang chance na magtambal uli sina John Lloyd at Bea Alonzo na may standby offer sa GMA.

Almost four years nawala sa showbiz si John Lloyd nang ma-in love kay Ellen at magkaanak sila, si Elias.

Nabanggit na ni John Lloyd sa interview ni MTRCB Chair Rachel Arenas recently lang na wala siyang regret sa nangyari. “There isn’t any, only lessons learned,” aniya sa weekly online talk show ng MTRCB na Uncut. Tinawag niya rin itong “necessary pause.”

Sa nasabing interview rin ni John Lloyd kinumpirma na may gagawin sana siyang sitcom sa TV5 kung saan naging part siya ng creative team under Brightlight Productions na supposedly ay eere noong December pero nagkaroon ng problema sa production.

“Although we have to admit that during these difficult times, we encounter a different set of challenges. For example, we are trying to put up a sitcom, but we find it difficult to finish casting. That’s the same problem I’ve experienced while trying to put up a film. We’ve long been in the planning stage. It’s taking a while for us to begin actual work,” banggit ng aktor sa nasabing interview ni Chair Rachel.

Wala pang reaction sina Derek at Ellen sa social media sa bagong development sa career ni John Lloyd at maging ni Andrea.