Donny, may nararamdamang good pressure sa Into her...
Mapapanood na simula sa May 30 ang He’s Into Her na pinagbibidahan nina Belle Mariano at Donny Pangilinan sa Kapamilya Channel. Halos dalawang taon ang hinintay ng buong grupo bago pa tuluyang maipalabas ang bagong proyekto.
Masayang-masaya si Donny dahil matutunghayan na ng mga tagahanga ang naturang serye. “What excites me is just the fact that it’s been so long, and we’re finally all here. This pandemic has made us realize a lot of things. I really missed to be on set, I really missed working. I’m just so happy that this show that’s been in the works for quite some time is finally airing. I think I could share the same sentiments as everyone else are all so excited to just let everyone see what we’ve been working on,” nakangiting pahayag ni Donny.
Aminado ang aktor na magkahalong emosyon ang kanyang nararamdaman ngayon dahil sa magiging pagtanggap ng mga manonood sa bagong serye na hango mula sa wattpad book na may parehong titulo. “There is also that pressure to maybe reach the expectation of a lot of people for the book. Especially that there are some scenes na wala sa book and there are some changes. But overall it’s more of good pressure kasi alam ko na pinaghirapan namin ito. Alam namin that at the end of the day, we all just wanted to give something that will inspire people and make them go through a rollercoaster of emotions and I believe we did that,” paglalahad ng binata.
Kiko, protektadong dasal ng nanay
Mas umayos ang pagtatrabaho ni Kiko Estrada ngayon dahil sa naranasang lock-in taping sa teleseryeng Bagong Umaga na nagtapos noong nakaraang linggo. Para sa aktor ay nagkaroon siya ng konsentrasyon sa lahat ng ginagawa sa set. “Lock-in brings out more focused work and because there’s nothing to do but read the script and be with the people that you have to be with. You have no choice,” natatawang pahayag ni Kiko.
Para sa aktor ay malaking bagay ang ginawang community sa loob ng ABS-CBN compound upang magsilbing set ng nagtapos na programa. Dahil dito ay hindi na kinailangang pumunta sa iba’t ibang lugar ng buong grupo para makapag-taping. “Nakakatuwa and nakakabilib all the people who set that up because it looked real onscreen and it helped us act too because the environment was nice. A lot of my scenes were shot in the community and it felt authentic. Hats off to everyone who made it possible,” pagbabahagi niya.
Samantala, malaki ang pasasalamat ng binata dahil hindi siya nadapuan ng COVID-19 katulad ng mga kasamahan sa naturang serye na sina Heaven Peralejo, Sunshine Cruz, Tony Labrusca, Nikki Valdez at Keempee de Leon na pawang maayos na ang mga kalagayan ngayon. “I was negative, I prayed for them. I wished them good health. My mama (Cheska Diaz) has been praying for me every night, and the Lord is really powerful,” pagtatapos ng aktor. (Reports from JCC)
- Latest
