Usapang sports at pag-ibig, meron din sa FYE mga plantito at plantita, magsasama-sama sa let’s plant happyness

Usapang urban gardening na siguradong patok sa mga plantito at plantitang Pinoy ang tampok sa pinakabagong pampa-goodvibes na programa ng FYE Channel na Let’s Plant Happyness.

Napapanood na sa Pinoy community app na kumu tuwing Sabado, 9 a.m.,  ang Let’s Plant Happyness ay pinangungunahan ng Plant Happyness owner na si Leah Tinoco na nagbabahagi ng kanyang mga kaalaman at tips sa paghahalaman na tiyak na ikakatuwa ng mga manonood.

Samantala, kagigiliwan naman ng sports fans ang bagong online show na Game, Set, Match kasama ang sportscaster na si Migs Bustos na napapanood na tuwing Biyernes, 7:30 p.m. sa Kumu. Kaabang-abang ang mga palaban na kuwentuhang pang-sports ni Migs kasama ang mga nakatakdang bisita na Pinoy athletes at iba pang kilalang sports personalities.

May usapang pag-ibig ding hatid ang FYE Channel sa pamamagitan ng Chacha Tonight na napapanood tuwing Linggo, 6 p.m. Pinangungunahan ng paboritong radio personality na si DJ Chacha ang programa na tumututok sa usapang relasyon at nagbibigay ng mga payo para sa mga manonood na may kinakaharap na problema sa puso.

Abangan ang iba’t ibang inspirasyon tungkol sa pagtatanim, sports at pag-ibig mula sa mga bagong handog na livestream ng FYE Channel. Magdownload na ng Kumu app at sundan ang FYE channel @fyec.