Erich, magpapatayo ng rest house

Nagbabalak na magpagawang muli ng isang bahay si Erich Gonzales. Gusto umanong magkaroon ng rest house ng aktres na matitirahan sa kanyang pagtanda.

Kaya naman patuloy na naghahanap ng lote si Erich na kanyang posibleng bilhin upang mapatayuan ng bahay. “Pwedeng vacation house or rest house. Or pwedeng do’n na din tayo tumira. But one thing is for sure, investment talaga siya. Kumbaga land banking  ba. You can never go wrong sa pag-invest ng inyong hard-earned money sa mga lote or lupa. Kasi nag-a-appreciate ‘yan talaga siya. Hindi siya nagde-depreciate, so ‘yun. Best talaga na investment mga lupa or lote,” pagbabahagi ni Erich.

Anim na taon na ang nakalilipas nang makapagpagawa ang dalaga noong nakabili ng lote at makapagpagawa ng bahay. “Nabili ko ‘yung lote when I was 22 years old. And then nag-ipon tayo. And then no’ng 2014, nag-start na ‘yung cons­truction ng bahay natin. And then the same year also nakalipat na tayo dito. And long story short, six years old na ang bahay natin,” paglalahad ng dalaga.

Ang magandang tanawin ang talaga namang nagustuhan ni Erich sa lokasyon ng kanyang bahay ngayon. Ayon sa aktres ay talagang napamahal siya noong una pa lamang niyang nakita ang lugar. “I really fell in love with the view. I have the same view sa room ko. Imagine lang waking up to that everyday. Parang nice lang, I feel like I’m super close to nature kasi maririnig n’yo ‘yung mga chirping ng birds. And then dito makakakita din kayo ng iba’t ibang uri ng butterflies at caterpillars,” pagtatapos ng aktres.

Donny, excited kay Belle

Kamakailan ay muling pumirma si Donny Pangilinan ng eksklusibong kontrata sa ABS-CBN. Masayang-masaya naman ang katambal ng aktor na si Belle Mariano para sa naabot ni Donny. “This is just a well deserved success. So continue doing what you love and continue doing the great work. I’m just so pleased to see you accomplishing great things. Best wishes for you and your new adventure. See you soon,” mensahe ni Belle para kay Donny.

Excited na aktor na muling makatambal si Belle para sa mga susunod na proyekto. “Of course, a lot of those memories will be with you soon kasi we’re doing a lot of projects together. Thank you for being there to support me as well. Can’t wait to spend more projects with you,” sagot ni Donny kay Belle. (Reports from JCC)