Jolo Estrada, willing sa boys’ love series!

Pero type ka-partner si Ivana...

Jolo Estrada, willing sa boys’ love series!

Magpu-fullblast na kasi si Jolo sa showbiz matapos pumirma ng kontrata kay Leo Dominguez kahapon.

Tinapos muna ni Jolo ang college studies niya bago nag-decide na mag-showbiz ng fulltime. “I decided kasi to focus on my college studies and I finished entrepreneurship at the Ateneo,” sabi niya.

Wala siyang maisip na iba aside from Ivana na gustong maka-partner nang makausap namin kahapon via zoom.

Since sexy ang image ni Ivana, willing siyang mag-topless para sa sexy star / vlogger if ever na magkaroon sila ng collab.

Aside from showbiz may dalawang business din siyang inaasikaso sa kasalukuyan - barbershop and boxing club - na naudlot sa pandemic. Pero ngayon ay itinuloy na niya.

Second child si Jolo nina former Senator Jinggoy and Precy Ejercito.

Nag-try na siya actually sa Star Magic before pero that time ay hindi pa siya tapos mag-school kaya naudlot.

Willing naman siya to do Boys’ Love series na in sa kasalukuyan.

“Okay lang sa akin kung BL man or straight roles, I’m open to all sorts of roles, basta the important thing is very challenging ‘yung role. Okay rin sa akin to go sexy.

“I work out five times a week sa gym to get this kind of physique so okay lang for me to show it kasi pinaghihirapan ko naman ito,” banggit pa ni Jolo na naka-two girlfriends na raw.