Mustang ni Daniel nasagian, nakadaleng tricycle driver inabutan pa

Imbes na magalit at magwala, binigyan pa ni Daniel Padilla ang tricycle driver na nakasagi sa kanyang luxury car (1967 Ford Mustang) sa Fairview the other night.

Car collector ang actor kaya naman marami siyang magagandang auto.

Bumaba si Daniel ng kotse at saka tiningnan ang damage ng Mustang at nang makitang minor lang, inabutan pa ang tricycle driver. Nag-viral ang mga kuhang video sa nasabing insidente.

Kung sabagay kilalang mabait ang boyfriend ni Kathryn Bernardo.

Bukod sa natuwa ang mga nakakita sa naging attitude ng actor, kinilig pa sila sa kapogian nito kahit naka-mask si Daniel.

Actually, ganito rin ang naging attitude ni
Marian nang masagian ng isa pang sasakyan ang kanyang Mercedez Benz noon.

Binaba niya ang driver at nang makitang minor lang, pinabayaan na niya.