Agot niresbakan ng manager ni Manny!

Ang business manager ni Sen. Manny Pacquaio na si Arnold Vegafria ang bumuwelta sa patutsada ni Agot Isidro sa kanyang Twitter account na konting sensitivity man lang daw sana si Jinkee Pacquiao sa pag-post ng Hermes at Louis Vuitton bike.         

Sa panahon nga naman ng pandemya at ang daming nawalan ng trabaho at nagugutom, parang hindi nababagay na ipangalandakan mo ang kayamanan mo.

Malamang ang halaga ng dalawang luxury bike na iyun ay kasing halaga na ng bahay ng isang maralitang pamilya.

Pero sa kabilang banda, wala naman daw tayong pakialam kung ano ang gusto niyang i-post sa kanyang social media account.    

Puwede naman daw i-unfollow si Jinkee para hindi na makita ang mga luho niyang mga bilyonaryo lang ang may kaya.

Kaya ang haba ng hanash ni ALV sa kanyang Facebook account bilang sagot sa post na iyun ni Agot.

Aniya; “What’s your issue, Agot?

“What Jinkee posts on her Instagram page is not for us to judge. What she does with her family’s hard-earned money is none of our business, because such bountiful blessings are just the fruit of her husband’s esteemed legacy as an iconic Filipino boxing legend and businessman, and are not stained in any way by graft or corruption.”

Sabi pa ni Arnold, “You probably have no idea as to the extent by which the good Senator, Manny Pacquiao and his family, have done so much to help our countrymen, not just during the past three months during the height of the pandemic, but even way before when he was still working hard to achieve his iconic stature.

“You probably don’t see or hear much about it because they are not the types to brag about their noble and charitable deeds for other people to see.

“They would rather do their humble acts of generosity away from the eyes of the media or the glare of the spotlight.”

Pakiusap pa ng talent manager at producer, “And please be more discerning about your use of the word ‘nouveau.’

“The Pacquiaos have worked hard over the past decades to achieve their current standing in society, and despite their status, they have remained humble, low-key and generous to whoever asks for their help.

“Their fervent desire to serve their countrymen continues to inspire them to pursue higher education and excel in their public service endeavors.”

May isa ring post si Jinkee na suot ang Rolex Daytona watch na tantiya ng iba, nagkakahalaga raw ito ng mahigit P16-M pesos.

Pero sabi ng ilang taong malapit sa mag-asawa, P2.7-M daw ang bili nun ni Jinkee.

Yung Hermes at LV bike naman daw ay matagal na raw niya iyun nabili at ngayon lang daw niya ito nai-post.

Sensitive ang mga tao ngayon. Maraming hanash, maraming puna. Kaya dapat mag-ingat na lang talaga sa ating ipinu-post lalo na’t kung may responsibilidad tayo sa ating taumbayan.

Galing sa hirap ang mag-asawa at malamang alam naman ni Jinkee ang nararamdaman ng mga mahihirap sa kasalukuyan.

Bela lumusot sa pagsama kay Piolo sa ‘SONA’

Nasaan daw ba si Sarah Geronimo na tila tahimik lang daw ito sa mainit na isyu ng franchise ng ABS-CBN.

Nauna nang natuon ang atensyon kay Piolo Pascual dahil sa isyu nito sa Sagada kasama si direk Joyce Bernal. Naglabas ng statement ang Kapamilya actor at itinanggi niyang bahagi siya sa shoot ng VTR na gagamitin ni direk Joyce sa SONA ng ating Pangulong Rodrigo Duterte.

Pero pinuna rin ang statement na iyun dahil lumalabas daw na nagsinungaling ang aktor. Lumabas sa mga social media account ang authorization letter mula sa Presidential Broadcast Staff-RTVM ng Malacañang na kung saan ina-authorize silang mag-biyahe sa Baguio City, Kalinga at Sagada.

Kasama ni direk Joyce sa listahan si Piolo na magiging bahagi raw sa shoot ng VTR para sa SONA ni Pangulong Digong. Bukod sa aktor, kasama rin si Bela Padilla, Illac Diaz at pati ang anak ni direk Joyce.

Napansin din nga ang post ni Bela na ewan ko kung nagpaka-po­sitive lang dahil sa halip na magbigay din siya ng sariling saloobin sa isyu ng franchise ng ABS-CBN 2, nagpaka-‘Happy Friday’ lang siya.

Nag-promote lang siya ng pelikula nila ni JC Santos na Vodka, Beers and Regrets na streaming na sa Netflix.

Kaya naman nag-post din si Ricky Lee sa kanyang Facebook account na pinupuri niya ang mga Kapamilya artists na open na open at very vocal sa kanilang suporta sa kanilang mother studio.