Bagong show ni Vice apektado ng virus
Hindi na muna tuloy ang airing ng bagong programa ni Vice Ganda na kapalit sana ng Gandang Gabi Vice (GGV). Mismong ang TV host ang nagbalita nito dahil na rin nga matinding epekto ng pagkalat ng coronavirus. “Dahil sa kasalukuyang isyu na kinakaharap ng publiko dulot ng COVID-19, nagdesisyon ang team ng “Everybody Sing!” na i-ere ang pilot episode ng palabas sa ibang petsa.
“Bagama’t nais naming makapaghatid ng masayang programa sa aming manonood, prayoridad namin ang kalusugan at kaligtasan ng aming mga contestant, artist, at production team.
“Maraming salamat sa inyong pag-unawa at suporta, Kapamilya. – #LigtasPilipinas,” ang post ni Vice sa kanyang social media account kahapon.
Nag-last episode na last Sunday ang Gandang Gabi Vice.
Naka-community quarantine na ang buong Metro Manila dahil sa COVID-19.
- Latest