Jake Ejercito may isyung legal sa management contract

Hindi natuloy kahapon ang ma­nagement contract signing ni Jake Ejercito with Arnold Vegafria’s talent management group.

May kinalaman diumano sa legalities na kailangan pang plantsahin ng kampo ni Jake. At kailangan daw ‘yun ng oras para tuluyang maayos.

Si Arnold ang line producer ng pelikulang Coming Soon na comeback movie ni former senator Jinggoy Estrada at co-starring si Jake, portraying the role as one of Jinggoy’s sons.

Naudlot ang first attempt ni Jake sa showbiz nang maka-love triangle siya dati ang AlDub (Alden Richards and Maine Mendoza) dahil nag-aaral pa siya noon sa Singapore.

First movie ni Jake ang Coming Home at chika ni Jinggoy, mabilis ang adjustment ni Jake na sabi ng dating pulitiko ay pinaka-guwapo raw sa kanilang magkakapatid dahil tisoy ito.

Bukod sa showbiz, hindi nawawalan ng time si Jake sa anak nila ni Ellie kay Andie Eigenmann na regular niyang nakakasama.

Dahil kay Ellie aminado si Jake na natuto na siyang mas maging responsible.

Loveless si Jake ngayon at feeling niya darating din naman ‘yun.

Nauna nang itinanggi  ng anak ni former president / mayor Joseph Estrada na nilagawan niya sina Maine and Bea Alonzo.

Tapos na ang shooting ng Coming Home na intended for Metro Manila Summer Film Festival.

Habang nagkakagulo sa franchise renewal