Nadine palaban sa Viva!

Nasa New York ang abogado ni Nadine Lustre na si Atty. Lorna Kapunan pati ang buong team ng Law office niya nang inilabas nila kamakalawa lang ang statement kaugnay sa pag-alis ng aktres sa Viva Artists Agency.

Kaya sa text at viber lang namin siya naku-contact na sinasagot naman niya lahat na katanu­ngan namin.

Gabi na lumabas ang statement ng Viva Artists Agency bilang sagot sa inilabas ng legal counsel ni Nadine.

Ayon sa VAA; “Contrary the Press Statement, Nadine remains an exclusive artist of VIVA as she has a valid and subsis­ting Management Contract. Under the law, Nadine cannot unilaterally withdraw from her contract with VIVA.

“Any dealings or professional engagements entered into by Nadine, without the consent or approval of VIVA constitutes breach of contract.

“VIVA shall initiate appropriate legal action against Nadine and/or third parties that directly deal with Nadine in contravention of VIVA’s Management Contract.”

Natanggap naman ni Atty. Kapunan ang statement na iyun ng Viva kaya hiningan ko na rin siya ng sagot dito.

Matapang ang mga pahayag nito na sinagot ang naturang statement.

Aniya; “We welcome any legal action by VIVA so their unconscio­nable, oppressive and illegal Contract with Nadine (and their other artists) can be litigated in the proper forum. Its about time that a David strikes out a Goliath that has taken advantage of young artists in the industry for the longest time. Viva lawyers have not replied to our earlier letters but chose to wait in ambush to malign Nadine and harass Third parties dealing with her in good faith. This is wrongful and malicious Contract interference by VIVA actionable in law for damages.”

Nilinaw ko na rin sa kanya kung sa VAA lang ba umalis si Nadine. Paano ang commitment naman nito sa Viva Films? Under contract pa rin ba ang aktres sa naturang film outfit?

Sagot ni Atty. Kapunan; “Nadine revoked her Agency and Management Contract with VAA, based on the concept of agency under the Civil Code. Her Exclusive Movie Contract, which is not with VAA but with Viva Communications, Inc., still subsists, subject to her right to refuse making mo­vies.”

Barbie hindi nawawala ang crush kay Dennis

Kinikilig si Barbie Forteza nung hu­ling nakatsikahan namin habang abala sa promo ng bagong primetime drama niyang Anak ni Waray Vs. Anak ni Biday.

Tuwang-tuwa kasi siya na consistent talagang mataas ang rating ng episode nila ni Dennis Trillo sa Daig Kayo ng Lola Ko.

Hindi lang sa survey ng AGB-NUTAM kundi pati sa Kantar Media ay wagi ang naturang fantasy drama ni Tita Gloria Romero.

Tuwang-tuwa naman si Barbie dahil maayos daw ang trabaho nila ni Dennis sa set ng Daig…, na kahit may Jak Roberto na siya, hindi niya itinatangging forever crush pa rin daw niya si Dennis.

“Hindi naman mawawala yun. Childhood crush and up to now crush ko pa rin naman si Mr. Dennis Trillo,” pakli ng Kapuso Primetime princess.

Aware naman daw siyang tahimik lang sa trabaho si Dennis, pero masaya naman daw silang nagtsitsikahan.

“Well-briefed naman ako na he’s a man of few words.

“Siyempre, behaved lang din ako. Hindi naman ako naging matsika talaga. Hindi ako naging mai­ngay sa set. Siyempre nandun yung conscious effort ko na mag-focus na kung puwede mauna pa ko sa kanya sa set kasi siyempre, bilang respeto na lang din sa kanya di ba?

“Basta ako hangga’t maaari ayokong maka-feel siya ng kahit anong hassle on my part,” sabi pa ni Barbie.