Maraming pelikula libreng mapapanood sa iWant

MANILA, Philippines — Isang malaking pasasalamat at bonggang anniversary treat ang handog ng iWant sa unang anibersaryo ng relaunch nito dahil libreng mapapanood ang Pinoy movies sa streaming service ngayong Kapaskuhan.

Maaari na ring planuhin ng magbabarkada at pamilya ang kanilang movie marathon mula Disyembre 16 hanggang 22, kasama ang mga pelikulang Never Not Love You, Sid & Aya: Not a Love Story, Last Night, Baka Bukas, The Unmarried Wife, Kasal, Dear Other Self, Love You to the Stars and Back, Revolution: The JaDine Concert, at Loving in Tandem.

Bukod sa mga ito, patuloy rin ang paglalabas ng iWant ng mga original movie at series na patok sa mga Pinoy, gaya ng Manilennials, isang serye tungkol sa masaya at masalimuot na mga buhay ng limang millennials sa Maynila. Magkakatambal din sina Joseph Marco at Yam Concepcion sa unang pagkakataon sa original series na Un­coupling.

Masusubaybayan na rin ng mga Pinoy ang laban ng kanilang mga kababayan sa iWant, gaya na lamang ng pagpapakitang gilas ni Bb. Pilipinas Gazini Ganados sa Miss Universe 2019 competition at ng national teams ng bansa sa SEA Games.

Manood na ng free premium movies sa iWant app (iOs at Android) o sa iwant.ph hanggang Enero 5, 2020.