Ayon sa Billboard, repleksyon ang listahan ng "mga artists na pinakamabilis umangat sa nagdaang linggo, sa lahat ng social music sites, na inaasahang makakatamasa ng pagsikat sa hinaharap, na sinusukat ng Next Big Sound."
Mula sa opisyal na Instagram account ng SB19
Pinoy boy group na SB19 pasok sa Billboard 'Next Big Sound' chart
James Relativo (Philstar.com) - November 20, 2019 - 5:09pm

MANILA, Philippines — Nagawang pasukin ng Pinoy pop group na SB19 ang ang isa sa mga pinakamataas na pwesto sa Billboard chart na nagtatala ng artists dahil sa bilis ng kanilang pagsikat.

Para sa linggong ito, nasungkit ng Filipino group ang ikaanim na pwesto sa "Next Big Sound" chart ng Billboard.

Ayon sa Billboard, repleksyon ang listahan ng "mga artists na pinakamabilis umangat sa nagdaang linggo, sa lahat ng social music sites, na inaasahang makakatamasa ng pagsikat sa hinaharap, na sinusukat ng Next Big Sound."

Sinundan ng SB19 ang Korean pop group na A.C.E., na nasa ikalimang pwesto, habang numero uno naman sa linggong ito ang grupong BIA.

Ang grupo, na kinabibilangan nina Sejun, Stell, Ken, Josh at Justin, ay sinanay pa sa bansang South Korea, at mina-manage ng isang Korean entertainment company.

Kasalukuyang #5 trending sa Twitter ang hashtag na #SB19onBillboardNBS habang sinusulat ang balitang ito.

Pinasalamatan naman ng SB19 ang lahat ng kanilang supporters sa bagong tagumpay.

"A’TINs! No words can describe how thankful we are for this great news. Thank you so much for supporting our dreams and believing in us. Everything seems possible with you," sabi nila sa kanilang Instagram account.

 

 
 
 
 
 
 
 
 
 
 
 
 
 
 
 

A post shared by SB19 Official (@officialsb19) on

 

Nangako naman silang lalong pag-iigihan ang kanilang pagsusumikap at ikinatuwa ang lahat ng nagbahagi ng kanilang kwento sa pamamagitan ng mga liham.

"It warms our hearts to know that you find comfort, happiness and motivation through our music. Let’s GO UP together!" sabi pa nila.

Matatandaang binulabog ng grupo ang social media nitong taon sa biglaang pagsikat ng awitin nilang "Go Up" noong Setyembre.

 

BILLBOARD CHARTS MUSIC NEXT BIG SOUND PINOY POP SB19
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with