Ayaw pantayan ang HLG!

Mukhang hindi talaga maiiwasan ng Kapuso stars and talents na tumawid sa Kapamilya network’s film outfits (Star Cinema, Black Sheep Productions, iWant, etc.) para gumawa ng film project dahil bihirang gumawa ang GMA Films, now GMA Pictures ng pelikula.

Pagkatapos gumawa ni Alden Richards ng record-breaking movie with Kathryn Bernardo under Star Cinema, ang Hello, Love, Goodbye,  ang ka-loveteam naman ni Alden na si Maine Mendoza ang bagong `recruit’ ng Kapamilya film company, para gumawa ng pelikula opposite Kapamilya actor na si Carlo Aquino at ito’y nangyari sa pelikulang Isa Pa With Feelings na dinirek ni Prime Cruz at joint production ng Black Sheep Productions and APT Entertainment ni G. Tony Tuviera. Ang pelikula ay nakatakdang ipalabas ngayong October 16.

Malamang na mapanood si Maine sa Tonight with Boy Abunda, Umagang Kay Ganda, Magandang Buhay, Magandang Gabi Vice at maging sa DZMM program na pag-aari ng ABS-CBN.

Malayo pa man ang October 16 may 60 confirmed block screenings na ang movie na inorganisa ng mga fans ni Maine.

Ganoon sila ka-supportive sa kanilang idolo.

Samantala, inamin ni Maine na naging crush umano niya bigla si Carlo nang ito’y mapanood niya sa pelikulang Meet Me In St. Gallen na pinagtambalan nina Carlo at Bella Padilla na idinirek ni Irene Villamor.

“Nawala rin naman ang pagkakaroon ko ng crush sa kanya (Carlo) pagkatapos ng pelikula,” biro ni Maine kay Carlo sa presscon ng pelikuka na ginanap sa ABS-CBN Studio Experience in Trinoma nung nakaraang Lunes ng gabi.

During the presscon, sinabi ni Maine na wala umano silang intention na pantayan o lagpasan ang inabot ng pelikulang Hello, Love, Goodbye.

Sinabi na ni Maine na natutuwa umano siya sa tagumpay ng HLG pero ginawa raw nila ni Carlo ang kanilang makakakaya para maihatid sa mga manonood ang isa ring magandang pelikula.