Wake ni Gina hindi na madadala sa Ecopark, ABS-CBN open sa mga makikiramay
MANILA, Philippines — May advisory ang ABS-CBN sa wake details ni Ms. Gina Lopez.
Ayon sa kanilang update. hindi na matutuloy ang public viewing ng namayapang Kapamilya at ABS-CBN Foundation chairman sa La Mesa Ecopark dahil sa inaasahang maulan na panahon sa mga susunod na araw.
Kaya sa mga nagnanais na magbigay-pugay at makita si Ms. Gina, bukas ang ABS-CBN Studio 10 para sa lahat ngayong Huwebes at Biyernes (August 22 & 23), mula 9 AM hanggang 12 MN.
Magkakaroon din ng Misa ng 6 PM at susundan ito ng special tribute ng 7 PM.
Maaaring dumaan sa ABS-CBN Center Road gate sa Mother Ignacia Avenue, QC.
Si Ms. Gina ang nanguna sa rehabilitation ng Ecopark kaya marami sanang naghintay na dalhin siya doon.
Patuloy na bumubuhos ang pakikiramay ng mga nagmamahal at natulungan ni former DENR Sec. Gina.
Binawian siya ng buhay three days ago dahil sa brain cancer.
- Latest