Showbiz news nakipagsabayan sa SONA!

SEEN: Natabunan ng cryptic post ni Bea Alonzo tungkol sa pangalawang beses na pagkakamali ng isang tao na hindi niya pinangalanan ang balita tungkol sa tagumpay ni Senator Manny Pacquiao sa laban nito kay Keith Thurman noong Linggo.

SCENE: Wagi sa publiko ang meme tungkol sa mga aktres na mga shampoo endorser na nagkaroon ng kaugnayan kay Gerald Anderson, si Kim Chiu ng Rejoice, si Maja Salvador ng Clear, si Sarah Geronimo ng Sunsilk, si Bea Alonzo ng Pantene at si Julia Barretto ng Palmolive.

SEEN: Damage control ang kailangan para mapangalagaan ang mga image nina Gerald Anderson at Julia Barretto dahil nakataya ang kanilang mga product endorsement. Negatibo ang lahat ng opinion ng mga tao kina Gerald at Julia samantalang dumarami ang mga nakikisimpatiya kina Bea Alonzo at Joshua Garcia.

SCENE: May pelikula pa sina Joshua Garcia at Julia Barretto na hindi pa naipalalabas sa mga sinehan, ang Block Z ng Star Cinema na pinagbibidahan din ni Ian Veneracion.

SEEN: Nadagdagan ang Instagram followers ni Gerald Anderson dahil sa kontrobersya na kinasasangkutan niya pero ginawang tambayan ng bashers ang kanyang social media account.

SCENE: Kahapon ang 4th State of the Nation Address ni President Rodrigo Duterte pero mas pinagpipistahan pa rin at higit na interesting sa mga tao ang mainit na showbiz issue na kinasasangkutan nina Bea Alonzo, Gerald Anderson at Julia Barretto.