Matapos bawalang makabuntis... Javi binakuran si Frankie ng PBB!

Impressive ang trailer ng launching movie ng Star Circle actor na si Javi Benitez, ang Kid Alpha One, na dinirek ni Richard Somes.

Wow as in parang hindi first time mag-action ni Javi.

At wala raw double ang baguhang aktor sa mga delikadong eksenang pinapanood sa amin sa isang intimate tsikahan the other day.

Actually ayon kay Javi, ang tagal niyang nag-training para rito kaya nang mag-umpisa silang mag-shooting, tuluy-tuloy sila. Todo raw ang ginawa niyang training ng Filipino Martial Arts.

Wala pang naka-schedule na playdate ang pelikula na ang mismong daddy niyang si former Cong. Albee Benitez ang producer.

Sa Negros sila nagso-shoot. Pahinga sa pulitika si former Cong. Albee ng 3rd District of Negros Occidental kaya naman nakatutok siya sa Kid Alpha One.

Siya (former congressman) din ang producer ng pelikulang Magic Island na magiging kick off ng opening ng theme park nila sa Negros na Magic Island na ang bilin sa binatang anak ay ‘wag muna siyang mambubuntis at sumakay sa motorsiklo.

Si Sue Ramirez ang leading lady ni Javi sa Kid Alpha One. Negrense rin si Sue.

Heard na more than P30 million ang budget for the movie ni Javi na isa sa naging presenters sa katatapos na The Eddys 2019 last Sunday night sa New Frontier Theater.

Kasama niyang naging presenter ang popular PBB evictee na si Gino Roque and Binibining Pilipinas-Universe Gazini Ganados for Best Supporting Actor category  na napanalunan ni Arjo Atayde.

Pero hindi pala si Gazini ang binakuran niya that night kundi si Frankie Russell. Yup, ayon sa source, nawala raw bigla si Frankie sa backstage nang kailangan na ito na isa ring presenter. ‘Yun pala kasama na ni Javi sa kanyang kotse.

Kasama pa ni Javi ang lola niya that night ha. Pero nagka-chance pa siyang bakuran si Frankie na stunning sa suot niyang Filipiana na kulay violet.

So sila na ba? Natawa si Javi.

Aside from Kid Alpha One, nagti-taping na rin ang baguhang aktor for The General’s Daughter.

Ex girlfriend ng baguhang actor si Katarina Rodriguez na luhaan sa Miss World 2018.