ABS-CBN at TV5 sabay magre-refile ng franchise
Nauna na talagang sinabi ng ABS-CBN na naka-schedule silang mag-refile ng franchise sa pagbubukas ng 18th congress next month.
At kasabay pala nilang mag-a-apply ang TV5 na hanggang next year na rin lang ang franchise.
Samantala, ayon sa latest survey ng Kantar Media, tuloy ang pamamayagpag sa primetime ng FPJ’s Ang Probinsyano (37%) na sinundan naman ng The General’s Daughter (31.2%).
Nangunguna naman bilang most watched weekend show nationwide ang Search for the Idol Philippines (28.8%), habang ang TV Patrol (27.3%) ang mas sinubaybayan noong nakaraang buwan dahil sa Halalan 2019 coverage nito.
Pasok rin sa top 10 ang Maalaala Mo Kaya (25.6%), Kadenang Ginto (25.3%), Hiwaga ng Kambat (23.1%) at Home Sweetie Home: Extra Sweet (22.7%).
Ayon pa sa Kantar Media, ABS-CBN din ang nanguna sa lahat ng time blocks, partikular na sa primetime block kung saan nagkamit ito ng average audience share na 47% at tinalo ang 33% ng GMA.
Nanguna rin ang Kapamilya network sa morning block (6 AM to 12 NN) sa pagtala nito ng 34%; sa noontime block (12 NN to 3 PM) sa pagrehistro nito ng 43% at sa afternoon block (3 PM to 6PM) sa pagkamit nito ng 50% .
Mas pinanood sa parehong urban at rural homes ang ABS-CBN, partikular na sa Metro Manila sa pagtala nito ng average audience share na 42% at sa Mega Manila sa pagrehistro nito ng 36%. Nanguna rin ang Kapamilya network sa Total Luzon sa pagtala nito ng 39% sa Total Visayas sa pagrehistro nito ng 53% at sa Total Mindanao kung saan nakakakuha ito ng 51%.
Ang Neilsen naman ang nagpo-provide ng survey sa GMA.
- Latest
