Shaina rumarampa sa Cannes para sa Hupa!

Kasama si Shaina Magdayao ng Philippine delegation sa ginaganap na Cannes Film Festival.

Pero wala pa siyang picture sa red carpet ng nasabing prestigeous film festival na dinarayo talaga ng malalaking artista sa buong mundo.

Kahapon ay nag-premiere ang Once Upon A Time... In Hollywood na pelikula ng batikang direktor  na si Quentin Tarantino starring Leonardo de Caprio and Brad Pitt. Ewan lang kung naka-rubbing shoulders ni Shaina ang dalawang Hollywood elites.

Nasa Cannes si Shaina na nababalitang lilipat ng GMA 7 para sa pelikulang Ang Hupa ni Direk Lav Diaz.

Bahagi ito ng Director’s Forthnight ng ginaganap na Cannes filmfest na dinagsa rin ng mga sikat na fashion influencer.

Katambal ni Shaina sa pelikula ang nali-link sa kanyang si Piolo Pascual na andun din sa Cannes. Pero walang update si Piolo sa kanyang social media account sa kanyang biyahe sa France.

Ang Film Development Council of the Philippines sa pangunguna ni Chair Liza Diño ang nagbigay ng assistance sa mga bumiyahe sa Cannes.