Sino kaya ang may potential sa local comedians? TV comedian bagong presidente ng Ukraine

Sino kaya sa mga comedian natin ang may potential na maging presidente ng bansa tulad ng bagong presidente ng Ukraine na si Volodymyr Zelensky?

Landslide ang naging panalo ng former TV star / comedian sa nasabing bansa.

Baguhan sa pulitika si Pres. Zelensky na ang corruption ang ginamit niya sa kampanya.

Pinatalsik lang naman niya sa nasabing halalan ang incumbent na si Petro Poroshenko na nakapuwesto since 2014.

Naalala ko nung maraming nag-uudyok sa namayapang si Comedy King Dolphy na kumandidato kahit senador. Pero consistent siya sa pagsasabing madaling kumandidato pero mahirap pag nanalo. “Doon ako natatakot, eh. Baka manalo ako. Madaling tumakbo, paano kung manalo?” ang lagi niyang dialogue noong bago-bago pa lang siya nakakatanggap ng offer na kumandidato hanggang nagsawa na lang silang alukin ito.

Nung nakaraang election ay maraming nanalong artista, pero marami rin ang natalo.