Coco, Vice, Regine at Kapamilya Love Teams pinangunahan ang Family Is Love Concert

Dalawang gabi pinalabas ang Family is Love: The 2018 Christmas Concert ng ABS-CBN, ang pinakamalaking pagtitipun-tipon ng mga Kapamilya stars na napanood kagabi pagkatapos ng MMK  at ngayong gabi (Disyembre 16) pagkatapos ng PBB Otso.

 Puno nga ng must-watch na performances mula  kina Coco Martin, Vice Ganda, Regine Velasquez, at mga Kapamilya love team ang nasabing Christmas concert.

Tampok din ang dance showdown ni Coco at Edu Manzano kasama ang  FPJ’s Ang Probinsyano family na naghadog ng masiglang OPM dance number. Andun din sina Yen Santos, Sam Milby, at Yam Concepcion ng Halik at ang cast ng The General’s Daughter sa pangunguna ni Angel Locsin, kasama sina Paulo Avelino at JC de Vera.

Nagpakilig naman ang mga popular na Kapamilya love teams sa pangunguna nina Kathryn/Daniel, Liza Soberano/Enrique Gil, at Nadine Lustre/James Reid.

Iba’t-ibang song at dance number naman ang handog ng mga popular Kapamilya love teams gaya nina Vivoree Esclito/Charles Kieron, Loisa Andalio/Ronnie Alonte, Kisses Delavin/Donny Pangilinan, Maymay Entrata/Edward Barber, at Julia Barretto/Joshua Garcia.

Dapat ding abangan ang dance showcase ng Los Bastardos at mga hottest rising young actors and actresses.

Nakisaya rin ang cast ng 2018 Metro Manila Film Festival movie na Fantastica, sa pangunguna nina Richard Gutierrez at Vice Ganda, na nag-baliktanaw sa mga naging trending topic ng 2018 kasama sina Juliana Parizcova Segovia at Chokoleit.

Samantala, mga world class na pagtatanghal naman ang handog ng mga Kapamilya singers sa pangunguna nina Regine Velasquez, Gary V., Martin Nievera, Ogie Alcasid, at Sarah Geronimo.