Nadine, hindi na-awkward kay Carlo
Kahapon ay nailunsad na ang pinakabagong Christmas station I.D. ng ABS-CBN na may temang Family Is Love. Mahigit apat na raang mga artista ang nakilahok para sa pinakaaabangang music video ng Kapamilya network.
Masayang-masaya si Nadine Lustre dahil muli siyang napabilang dito. “It feels great because this time it’s all of the artists and the celebrities in the station. So we’re happy to be part of it. I guess family is love kasi it’s a love that’s very unconditional something na hindi nabibilang and all like you’re always just there for each other for all the family members and not even that, the family can be a group of friends,” nakangiting pahayag ni Nadine.
Samantala, sa susunod na taon ay mapapanood na ang pelikulang Ulan na pinagbibidahan nina Nadine Lustre at Carlo Aquino. Ibang karanasan daw para sa aktres ang makatrabaho si Carlo. “I love working with him. He’s super chill lang. and then wala kaming awkward moments na both of us parang nag-in sync na lang kami bigla. Which is really surprising for me because that’s the first time that ever happened because sina direk Irene (Villamor) and Carlo close na rin sila. So it’s not hard for me to talk to Carlo as well,” kwento ni Nadine.
Kahit patapos na ang shooting ng nasabing proyekto ay sobrang na-enjoy naman umano ng aktres ang kanilang buong grupo na gumawa nito. “We’re almost done. We have a few scenes left. We have a few days left but it is so much fun. Shooting the movie I had fun working with direk Irene. It is just a breath of fresh air,” pagbabahagi ng dalaga.
Kailangang pakaabangan ang Ulan dahil ito rin ang kauna-unahang pelikulang nagawa ng online sensation na si Limer Veloso.
Beauty at mister, napagkamalang mag-ama
Labinglimang taon ang agwat ng edad ni Beauty Gonzalez at asawang si Norman Crisologo. Hindi na raw bago sa aktres na may ilang mga taong nagugulat sa tuwing nalalaman na mag-asawa sila ni Norman. “Maraming na-shock. Bakit daw masyadong malaki ‘yung agwat namin. ‘He’s too old for me,’” natatawang pahayag ni Beauty.
Ayon naman kay Norman ay minsan na rin silang napagkamalang mag-ama ng aktres sa publiko. “One time we went to this camera shop in Makati. Then we were looking at this camera, and then the salesman was trying to sell it to us. So he was giving us a demo. So he was saying, ‘Oh ganito ma’am, ganito, ganyan. ‘Teka, picture-an natin si daddy. Oh, daddy! Daddy! Smile, daddy!’ They were looking at me, so smile naman ako siyempre, wala akong magawa. We just had a good laugh,” nakangiting kwento ni Norman.
- Latest
