Alden maraming nakolektang memories sa VM
MANILA, Philippines —Ngayong gabi na ang ending ng tinuturing ng GMA 7 na ground-breaking telefantasya starring Alden Richards, ang Victor Magtanggol.
At nagpapasalamat si Alden na maganda ang naging feedback ng programa na sa umpisa pa lang ay hindi na tinantanan ng bashers.
“Ito po ‘yung first title role ko sa buong buhay ko. Masaya ako sa kinalabasan ng story, sa characterization ng role ni Victor Magtanggol. Naging inspirasyon ang programa sa maraming kabataan. Especially pag nagsho-shoot kami sa mga eskwelahan.”
Ayon kay Alden, marami siyang nakolektang memories habang ginagawa ang VM kasama ang kanyang co-stars.
“Sobrang saya ng experience working with everyone in the show. Kung posible, gusto ko sila pa rin ang kasama ko sa susunod kong show. Wala akong maisip na ibang makakagawa ng trabahong iyon kundi sila. Kaya masaya ako na nagkaroon ako ng chance to be working with Direk Al Tantay, Ms. Coney Reyes at sa lahat ng cast.”
- Latest